'माझी तुझी रेशीमगाठ' उत्कंठावर्धक वळणावर, अखेर नेहासमोर येणार सिम्मीचा खरा चेहरा

Mazi Tuzi Reshimgath: 'माझी तुझी रेशीमगाठ' मालिकेत अखेर नेहासमोर सिम्मीची पोलखोल होणार आहे.

झी मराठी (Zee Marathi) वाहिनीवरील लोकप्रिय मालिका 'माझी तुझी रेशीमगाठ' (Mazi Tuzi Reshimgath)ने कमी कालावधीत प्रेक्षकांच्या मनात घर केले आहे. या मालिकेतील नेहा आणि यशची केमिस्ट्री सर्वांना खूप भावते. नुकतेच नेहा आणि यशचे धुमधडाक्यात पार पडले. त्यानंतर आता त्यांचा सुखी संसार सिम्मीला काही बघवत नाही. त्यामुळे तिचे कारस्थाने सुरू आहेत. सिम्मीने नेहाच्या वहिनीला हाताशी घेऊन त्यांच्यात मतभेद निर्माण करते आहे. दरम्यान आता समोर आलेल्या 'माझी तुझी रेशीमगाठ'च्या प्रोमोतून समजते आहे की, अखेर नेहासमोर सिम्मीचा खरा चेहरा येणार आहे.

माझी तुझी रेशीमगाठ मालिकेत गेल्या काही दिवसांपासून सिम्मी नेहाच्या वहिनीला हाताशी घेऊन यश आणि नेहाला एकत्र येऊ नयेत म्हणून प्रयत्न करताना दिसल्या होत्या. या प्रयत्नात असताना वहिनीकडून ऑफिसमध्ये साबणाचे पाणी टाकते. त्यावरून घसरून नेहा पडते आणि तिच्या डोक्याला मार लागतो. त्याआधी यश नेहावर रागावलेला असतो. मात्र नेहाला लागलेले पाहून तो तिला उचलून हॉस्पिटलमध्ये घेऊन जातो. तिथे नेहा आणि यशमधील गैरसमज दूर होतात. इतके होऊनही सिम्मी पुन्हा नेहाच्या वहिनीला काहीतरी कारस्थानं करायला सांगते. 

दरम्यान आता मालिकेचा समोर आलेल्या प्रोमोत पाहायला मिळत आहे की, वहिनी नेहाला येऊन सांगताना दिसत आहे की, तुझ्या प्रत्येक कामात अडथळा आणण्याचे काम करायला सांगितले आहे या सिम्मीने. हे पैसे तुझ्या सिम्मी काकूने दिले आहेत. हे ऐकल्यानंतर नेहाला खूप मोठा धक्का बसतो. ती ते पैसे घेऊन सिम्मीकडे येते आणि त्यांना देते. नेहा सिम्मीला म्हणते की, अशा पद्धतीने माझ्या आणि यशमध्ये कुरघोड्या करून यश आणि माझ्यात गैरसमज करण्याचा प्रयत्न केलात ना तर त्याचे परिणाम वाईट होतील. नेहाने सक्त ताकीद दिल्यानंतर आता सिम्मीचे कारस्थान थांबतील का, हे पाहणे कमालीचे ठरणार आहे.