रोहित शेट्टी दिग्दर्शित आणि रणवीर सिंग व सारा अली खान स्टारर ‘सिम्बा’ हा चित्रपट सुपरडुपर हिट ठरला. मग, सेलिब्रेशन तो बनता है ना यार... काल ‘सिम्बा’ची धम्माल सक्सेस पार्टी रंगली. ‘सिम्बा’च्या अख्ख्या टीमने या पार्टीत रंग भरले. रोहित शेट्टी, ‘सिम्बा’चा निर्माता करण जोहर, रणवीर सिंग, सारा अली खान ही सगळी टीम तर होतीच. शिवाय रणवीरची पत्नी दीपिका पादुकोण आणि रोहितचा जिगरी यार अजय देवगण व अक्षय कुमार यांनीही या पार्टीत हजेरी लावली. सोमवारी रात्री उशीरापर्यंत ही पार्टी चालली. ‘सिम्बा’च्या टीमने मीडियासमोर येत फोटो काढले. यावेळी रणवीरचा अंदाज पाहण्यासारखा होता. त्याने पार्टीत झकास एन्ट्री केली आणि सगळे बघतचं राहिले. मग नाच गाणे, दंगा मस्ती...असे सगळे झाले.
रणवीर व साराने ‘सिम्बा’चे हिट नंबर ‘आंख मारें’वर जबरदस्त ताल धरला. तेव्हा पाहुया, या पार्टीचे काही इनसाईड फोटो व व्हिडिओ....