ज्येष्ठ मराठी अभिनेते जयंत सावरकर (Jayant Sawarkar) यांच्या निधनाच्या बातमीने मनोरंजनसृष्टी हळहळली आहे. मालिका, सिनेमा आणि नाटकातून प्रेक्षकांच्या मनावर आपल्या अभिनयाची छाप पाडणारे अभिनेते जयंत सावरकर यांनी वयाच्या ८८ व्या वर्षी अखेरचा श्वास घेतला. जयंत सावरकर यांच्यासोबत अनेक कलाकारांनी काम केले आहे. त्यांच्या निधनाने कलाकारांना उणीव जाणवत आहे. अभिनेत्री सुकन्या मोने (Sukanya Mone) यांनीही पोस्ट शेअर करत जयंत सावरकर यांना श्रद्धांजली वाहिली आहे.
सुकन्या मोने यांनी जयंत सावरकरांसोबतचा एक फोटो शेअर केलाय. या फोटोखाली कॅप्शन देत त्या लिहितात, 'माझा एव्हरग्रीन हिरो..... तिथेही मस्त फिट राहाल ह्याची खात्री आहे..... सगळ्यांना आपलंसं कराल..... पण मी मात्र इथे खूप खूप मिस करेन तुम्हाला...अण्णा.'