Shark Tank India 2 : सध्या टीव्हीवर सर्वात जास्त पाहिला जाणारा शो म्हणजे शार्क टॅंक इंडिया. या शो ची प्रचंड क्रेझ दिसून येत आहे. या शो मध्ये येणाऱ्या स्टार्टअप क्षेत्रातील उद्योजकांच्या बिझिनेसमध्ये शार्क टॅंक मधील शार्क्स गुंतवणूक करायचे की नाही ते ठरवतात. या शोवरुन अनेक मीम्सही व्हायरल होत आहेत. आता तर काय आपले गडा इलेक्ट्रॉनिक्सचे मालक जेठालाल चंपकलाल गडा जेव्हा या शो मध्ये येतात तेव्हा काय धम्माल येईल असं मीम सध्या सोशल मीडियावर व्हायरल होत आहे.
तारक मेहता का उल्टा चष्मा (Taarak Mehta Ka Ulta Chashma) या लोकप्रिय मालिकेत मुख्य पात्र असलेला जेठालाल याचा गडा इलेक्ट्रॉनिक्सचा व्यवसाय आहे. जेठालाल जर आपल्या व्यवसायासाठी ऑफर घेऊन शार्क टॅंकमध्ये गेला तर त्यांच्यात कसा विनोदी संवाद होईल याचंच मीम बनवण्यात आलं आहे.एकीकडे जेठालालचा मालिकेतील व्हिडिओ आणि दुसरीकडे शार्क्सचा शो मधील व्हिडिओ एकत्र करण्यात आला आहे.
शार्क्ससमोर प्रपोझल ठेवताना जेठालाल गडा इलेक्ट्रॉनिक्सची माहिती देतो. तो म्हणतो, 'माझ्या दुकानात कमीत कमी ४० ते ५० लाखांचा माल असेल आणि गोदामातही तेवढाच असेल.' यावर शार्क्स त्याला प्रोडक्ट काय आहे ते दाखव असं म्हणतात.
प्रोडक्टची मागणी होताच जेठालाल म्हणतो, 'हा स्पेशल फटाका आहे. याचं वैशिष्ट्य म्हणजे फटाका फोडल्यावर त्याचा आवाज न येता उलट एक संगीत ऐकू येतं. ते म्हणतं हॅपी दिवाली.' या प्रोडक्टची किंमत विचारल्यावर जेठालाल म्हणतो एक फटाका एक हजार रुपयाला आहे. हे ऐकून शार्क्स पोट धरुन हसू लागतात.
हे मीम बघून तुमचंही हसून हसून पोट दुखेल हे नक्की. जेठालालचं हे मीम तुफान व्हायरल होत आहे. आतापर्यंत लाखो लाईक्स या मीम ला मिळाले आहेत.