काजोल बॉलिवूडची एक यशस्वी अभिनेत्री. आताश: काजोल (Kajol) फार मोजक्या सिनेमांत दिसते. पण आजही तिची क्रेझ कायम आहे. आजही असंख्य चाहते तिच्या पे्रमात आहेत. तूर्तास काजोल चर्चेत आहे ती वेगळ्याच कारणाने. होय, काजोलने तिचं पवई स्थित एक अपार्टमेंट भाड्यानं दिलं आहे. याचं भाडं ऐकाल तर डोळे पांढरे होतील.
काजोल पती व मुलांसोबत जुहूस्थित एका अलिशान बंगल्यात राहते. अजय (Ajay Devgan) व काजोल सध्या ज्या बंगल्यात राहतात, त्या बंगल्याचं नाव शिवशक्ती आहे. हा बंगला अजयने सुमारे 60 कोटी रूपयांत खरेदी केला होता. पण याशिवाय काजोलच्या नावे अनेक प्रॉपर्टी आहेत. यातलीच पवईतील एक प्रॉपर्टी काजोलने भाड्यानं दिली आहे. ही प्रॉपर्टी 771 स्क्वेअर फूट जागेवर पसरली आहे. होय, हिरानंदानी गार्डन्सच्या अटलांटिक प्रोजेक्टच्या 21 व्या माळ्यावर काजोलचं एक अपार्टमेंट आहे. हेच अपार्टमेंट काजोलनं भाड्यानं चढवलं आहे.
रिपोर्टनुसार, भाडेकरूने यासाठी 3 लाख रूपयांचा सिक्युरिटी डिपॉझिट भरलं आहे. या अपार्टमेंटचं दरमहा भाडं 90 हजार रूपये असणार आहे. वर्षभरानंतर या भाड्याच्या रकमेत वाढ होऊन ते 96,750 रूपये होणार आहे.
काजोलआधी बॉलिवूडच्या अनेक सेलिब्रिटींनी त्यांच्या प्रॉपर्टी भाड्यानं दिल्या आहेत. यात प्रियंका चोप्रा, अमिताभ बच्चन, सलमान खानसह अनेक स्टार्स आहेत. जॅकलिन फर्नांडिस ही प्रियंका चोप्राची भाडेकरू आहे. अलीकडे अभिनेत्री क्रिती सॅनन हिने अमिताभ यांचा डुप्लेक्स 10 लाख प्रति महिना भाड्यानं घेतलं आहे. सलमानने वांद्रे भागातील शिवस्थान हाईट्समधील स्वत:चं एक अपार्टमेंट 95 हजार रूपये महिन्यानं भाड्यानं दिल्याचं कळतेय. अभिनेता सैफ अली खान आणि करीना कपूर यांनी मुंबईतील फॉर्च्युन हाइट्समधील त्यांचं जुनं घर भाड्यानं दिलं आहे. मीडिया रिपोर्टनुसार, सैफ-करीनाने त्यांचे 1500 चौरस फुटांचं घर दरमहा 3.5 लाख रुपये भाड्यानं दिलं आहे.