कॉमेडी किंग म्हणून लोकप्रिय असलेल्या कपिल शर्माचे लाखो चाहते आहेत. प्रत्येकाच्या मनात कपिल शर्माने घर केले आहे. टेलिव्हिजननंतर कपिल शर्माने चित्रपटसृष्टीत आपली ओळख बनवली आहे. कॉमेडी नाइट्स विथ कपिल शर्मा आणि द कपिल शर्मा शो सारखे हिट शो दिल्यानंतर अभिनेता कपिल शर्मा घराघरात पोहचला आहे. आता कपिल शर्मा डिजिटल माध्यमात पदार्पण करण्यासाठी सज्ज झाला आहे.
मीडिया रिपोर्ट्सनुसार कपिल शर्मा लवकरच एका वेबसीरिजमधून ओटीटी प्लॅटफॉर्मवर नवीन सुरूवात करणार आहे. मात्र कपिलच्या या प्रोजेक्टबद्दल अद्याप कोणतीच माहिती समोर आलेली नाही. कृष्णा अभिषेकने मस्करीत म्हटले की, कपिल शर्मा ओटीटी प्लॅटफॉर्मवर नवीन सुरूवात करण्यासाठी २० कोटी रुपये मानधन घेतो आहे. मात्र असेही म्हटलं जात आहे की हे सगळं कृष्णाने मस्करीत म्हटले होते. मात्र हे ऐकून चाहते खूप हैराण झाले आहेत. मात्र ही बाब नाकारता येत नाही की कपिल शर्माने डिजिटल प्रोजेक्टसाठी जास्त मानधन घेतले असेल. द कपिल शर्मा शो गेल्या काही दिवसांपासून चर्चेचा विषय बनला आहे.