बॉलीवूड दिग्दर्शक आणि निर्माता करण जोहरच्या 'कॉफी विथ करण' या सेलिब्रिटी मुलाखत कार्यक्रमाचं सातवं सीझन सध्या सुरू आहे. सध्या या सीझनची मनोरंजन विश्वात जोरदार चर्चा सुरू आहे. सातव्या सीझनच्या शेवटचा एपिसोड लवकरच प्रेक्षकांच्या भेटीला येणार आहे आणि या एपिसोडमध्ये चक्क करण जोहरचीच मुलाखत घेतली जाणार आहे.
"हव्या तितक्या मुलींना डेट कर, पण..."; गौरी खानचा आर्यनला सल्ला
कॉफी विथ करण म्हटलं की करण जोहर मनोरंजन विश्वातील स्टार्सची मुलाखत घेताना आपण पाहिलं आहे. पण यंदाचं सीझन खास आहे. सीझनचा शेवट चक्क करण जोहरच्याय मुलाखतीनं होणार असल्याचं कळतं. या एपिसोडचा एक प्रोमो करण जोहरनं त्याच्या इन्स्टाग्राम अकाऊंटवर शेअर केला आहे. या व्हिडिओत कुशा कपिला, तन्मय भट्ट, निहारिका एनएम आणि दानिश सैत हे सहभागी झालेले दिसतात. हे सर्व सोशल मीडिया स्टार करण जोहरवरच प्रश्नांची सरबत्ती करत त्याला कोंडीत पकडताना दिसतात.
त्यापेक्षा वाईट काहीच...., आर्यन खान ड्रग्ज प्रकरणावर गौरी खान पहिल्यांदाच बोलली
करण जोहरही प्रश्नांची उत्तरं देताना घाम फुटत असल्याचं कबुल करताना व्हिडिओत दिसत आहे. महत्वाचं म्हणजे तन्मय भट्टच्या एका प्रश्नानं सर्वांचं लक्ष वेधून घेतलं आहे. कुशा कपिला ही करणला त्याच्या 'एक्स'बाबत विचारते. 'वरुण धवनला तुझ्या एक्सबाबत माहिती आहे असं तू याच शोमध्ये म्हटलंस', असं कुशा कपिला म्हणते. यावर तन्मय म्हणतो, 'तू डेविड धवन यांना डेट करत होतास का?' हे एकून करण दचकतो आणि स्पष्ट शब्दात नकार देतो. 'नाही, मी डेविड धवन यांना डेट करत नाही', असं करण म्हणतो. त्यानंतर शोमध्ये उपस्थित असलेले सर्वजण हसताना पाहायला मिळतात. या एपिसोडची प्रेक्षक उत्सुकतेनं वाट पाहात आहेत.
'कॉफी विथ करण'चा हा एपिसोड गुरुवारी १२ वाजता प्रदर्शित होणार आहे. हा कॉफी विथ करण या कार्यक्रमाच्या सातव्या सिझनचा १३ वा एपिसोड असणार आहे. यंदाच्या सीझनमध्ये आलिया भट्ट, रणवीर सिंग, सारा अली खान, जान्हवी कपूर, समांथा, अक्षय कुमार, अनन्या पांडे, विजय देवरकोंडा, आमिर खान, करीना कपूर, सोनम कपूर, अर्जुन कपूर, सिद्धार्थ मल्होत्रा, विकी कौशल, शाहीद कपूर, कियारा अडवाणी, टायगर श्रॉफ, क्रिती सनोन इत्यादी यांनी या कार्यक्रमात हजेरी लावली होती. डिज्नी प्लस हॉटस्टार या ओटीटी प्लॅटफॉर्मवर तुम्ही हे एपिसोड पाहू शकता.