कार्तिक आर्यन, तब्बू आणि कियारा अडवाणीची मुख्य भूमिका असलेला 'भूल भुलैया 2' सिनेमा गेल्या काही दिवसांपासून चर्चेत आहे. या सिनेमाचे शूटिंग मागील वर्षी कोरोनामुळे थांबविण्यात आले होते, जे अद्याप सुरू झालेले नाही. सिनेमाचे निर्माता मुराद खेतनी यांनी सिनेमाचे रिलीज डेट जाहीर केली आहे. हा सिनेमा २००७ मध्ये रिलीज झालेल्या भूल भुलैया या हॉरर-कॉमेडी सिनेमाचा सिक्वल आहे.
सिनेमाचे सह-निर्माता मुराद खेतानी यांनी ट्विट केले की, आम्ही या थ्रिलर कॉमेडीद्वारे पुनरागमन करत आहोत. तुम्ही लोक तयार आहात का? 'भूल भुलैया २' १९ नोव्हेंबर २०२१ ला थिएटरमध्ये रिलीज होणार आहे. या सिनेमात राजपाल यादव आणि गोविंद नामदेवसुद्धा महत्त्वपूर्ण भूमिकेत दिसणार आहेत.