गुन्हेगार जगताची सफर घडविणारी 'कश्मकश' वेबसीरिज नुकतीच प्रेक्षकांच्या भेटीला आली आहे. ही सीरिज हंगामाच्या डिजिटल प्लॅटफॉर्मवर पहायला मिळणार आहे. या नवीन संग्रहात ५ स्वतंत्र कथांचा समावेश असून याच्या प्रत्येक भागात आधुनिक युगात घडणाऱ्या गुन्ह्यांचा वेध, योग्य व अयोग्य यांची निवड करताना पीडित ज्या स्थितीतून जातात त्यावरील भाष्य केले जाणार आहे. या सीरिजमध्ये शरद मल्होत्रा, अंजुम फकीह, एजाज खान, अभिषेक कपूर, अबीगैल पांडे, लविना टंडन आणि वाहबीज दोराबजी हे कलाकार दिसणार आहेत.
पीडित व्यक्तीच्या दृष्टीने कश्मकश मांडली असून त्यामध्ये अलीकडच्या आधुनिक युगातील सर्वसामान्यपणे आढळणाऱ्या गुन्ह्यांचा समावेश आहे.
याबद्दल शरद मल्होत्रा म्हणाला की, कश्मकश कोणताही उपदेश न देता धडा शिकवते, आणि हेच या कार्यक्रमाचे यश म्हटले पाहिजे.