‘आवारा पागल दीवाना’ या चित्रपटात अक्षय कुमारसोबत दिसलेली अभिनेत्री आरती छाबरिया हिने नुकतीच गुपचूप लग्नगाठ बांधली. विशारद बीडेसी (visharad beedassy) याच्यासोबत आरतीने सहजीवनाच्या आणाभाका घेतल्या. ‘खतरों के खिलाडी 4’ हा शो जिंकल्यानंतर आरती बॉलिवूडमध्ये दिसली नाही. गत 11 मार्चला आरतीने मॉरिशसमध्ये साखरपुडा केला होता. यानंतर गत 24 जूनला आरतीचा विवाहबंधनात अडकली. तूर्तास आरतीच्या लग्नाचे फोटो सोशल मीडियावर व्हायरल होत आहेत.
‘डर सबको लगता है’ या छोट्या पडद्यावरच्या मालिकेत आरती अखेरची दिसली होती.सन २००२ मध्ये ‘तुम से अच्छा कौन है’ या चित्रपटातून तिने आपल्या करिअरची सुरूवात केली होती.
बॉलिवूडमध्ये सलमान खान, अक्षय कुमार, सनी देओल, अनिल कपूर अशा बड्या बड्या स्टार्ससोबत आरती दिसली आहे. २०१० मध्ये आलेल्या ‘दस तोला’ या चित्रपटानंतर आरती बॉलिवूडमधून जणू गायब झाली. या चित्रपटात तिच्या अपोझिट मनोज वाजपेयी लीड रोलमध्ये होता.