छोट्या पडद्यावरील चला हवा येऊ द्या (Chala Hawa Yeu Dya) कार्यक्रमातून अभिनेता कुशल बद्रिके (Kushal Badrike) घराघरात पोहचला आहे. आपल्या विनोदी अभिनय कौशल्याने त्याने प्रेक्षकांच्या मनात घर केले. त्याच्या चाहत्यांच्या संख्येतही खूप वाढ झाली आहे. कुशल सोशल मीडियावर अॅक्टिव्ह असून तो फोटो आणि पोस्ट शेअर करत असते. दरम्यान आता त्याने इंस्टाग्रामवर शेअर पोस्ट चर्चेत आली आहे.
कुशल बद्रिकेने इंस्टाग्रामवर स्वतःचा फोटो शेअर करत लिहिले की, इन्व्हेस्टमेंट चुकली की लॉस होतोच , कधीकधी तर आपला मुद्दलमाल सुद्धा परत मिळत नाही. सगळं बाजारावर अवलंबून असते. Emotional investments ना सुद्धा हाच नियम लागू पडतो. फरक एवढाच आहे की इथे इन्व्हेस्टमेंट चुकली की माणसाचाच बाजार उठतो. (अपनेआपको पूरी सावधानी से invest करे!). कुशल बद्रिकेचे पोस्टला चाहत्यांची पसंती मिळताना दिसते आहे.