Latest TV Twist in Top 7 TV serial : अनुपमाचं लग्न होणार... सुनबाई गुडन्यूज देणार..., या 7 हिंदी मालिकांमध्ये रंगणार हायहोल्टेज ड्रामा

Latest TV Twist in Top 7 TV serial : टीआरपी वाढावा, यासाठी मालिकांमध्ये नवनवे ट्विस्ट आणले जातात. हिंदी मालिकाही याला अपवाद नाहीत. आता हिंदीच्या 7 मालिकांमध्ये जबरदस्त ट्विस्ट येणार आहेत. साहजिकच यामुळे या मालिकांमध्ये तितकाच जबरदस्त हाय होल्टेज ड्रामा पाहायला मिळणार आहे.

अनुपमा (Anupamaa) या सर्वाधिक लोकप्रिय हिंदी मालिकेत सध्या काय सुरू आहे? तर अनुज व अनुपमा यांची संगीत सेरेमनी सुरू आहे. संगीत सेरेमनीनंतर अनुज व वनराज यांचं भांडण होणार. यादरम्यान वनराज अनुजला मुलांपासून दूर करण्याचा प्रयत्न करताना दिसेल. अनुजने मुलांच्या जवळ जाण्याचा प्रयत्न केला तर तो त्याला अनुपमापासून दूर करेल, अशी धमकी देईल. साहजिकच अनुजचा संताप अनावर होईल. यादरम्यान बापूजीची मेडिकल रिपोर्ट राखीच्या हाती लागेल. यानंतर शाह कुटुंबात मोठा ड्रामा रंगणार.

गुम है किसी के प्यार में (Ghum Hai Kisikey Pyaar Meiin ) या मालिकेत सई पुन्हा एकदा कॉलेजात टॉप करणार आहे. सई टॉपर येताच भवानी विराटवर दबाव टाकायला सुरूवात करेल. तुला लवकरात लवक बाप बनावं लागेल, असं भवानी विराटला म्हणेल.

View this post on Instagram

A post shared by YRKKH❣️ (@ye.rishta.kya.kahalata.hai)

ये रिश्ता क्या कहलाता है या मालिकेत लग्नानंतर अभिमन्यू आणि अक्षरा यांना नव्या संकटांचा सामना करावा लागणार आहे. अक्षराला सासरी अनेक दिव्यातून जावं लागेल. महिमा अक्षरासाठी डोकेदुखी ठरेल.

इमलीच्या लव्हस्टोरीत आता सवतीची एन्ट्री होणार आहे. इमली या मालिकेच्या येणा-या एपिसोडमध्ये इमली व आर्यनच्या आयुष्यात ज्योती येणार आहे. ज्योती इमली व आर्यनला जवळ येऊ देणार नाही.

कुंडली भाग्य या मालिकेच्या अपकमिंग एपिसोडमध्ये प्रीता आई बनणार आहे. आपण प्रेग्नंट असल्याचं प्रीताला माहित पडेल. मात्र आई बनण्याआधी प्रीता पृथ्वीला धडा शिकवणार आहे.

उडारियां या मालिकेत तेजोसमोर अंगद मानचा खरा चेहरा येणार आहे. सहा महिन्यांआधी अंगदने आपल्याला मारण्याचा प्रयत्न केला होता, हे तिला कळेल. हे सत्य समोर येताच तेजोचे डोळे खाडकन् उघडतील.

बडे अच्छे लगते है 2 या मालिकेत राम व प्रिया आईबाबा होणार आहेत. प्रिया प्रेग्नंट असल्याची बातमी ऐकून नंदिनी सैरभैर होईल आणि मग प्रियाला नुकसान पोहोचवण्यासाठी प्रयत्न करताना दिसेल.