'महाराष्ट्राची हास्यजत्रा' फेम वनिता खरातनं दिली प्रेमाची कबुली, कोण आहे तिचा बॉयफ्रेंड?

Vanita Kharat: सध्या मराठी सिनेइंडस्ट्रीत लग्नाचे वारे वाहताना दिसत आहेत. एकीकडे भाग्यश्री मोटेचा साखरपुडा पार पडला आहे तर दुसरीकडे अक्षया देवधर आणि हार्दिक जोशी लवकरच लग्नबेडीत अडकणार आहे. दरम्यान आता वनिता खरातनेही सोशल मीडियावर प्रेमाची कबुली दिली आहे.

सध्या मराठी सिनेइंडस्ट्रीत लग्नाचे वारे वाहताना दिसत आहेत. काही दिवसांपूर्वी अभिनेत्री भाग्यश्री मोटे (Bhagyashree Mote) हिचा साखरपुडा पार पडला. त्यांच्या या सोहळ्याचे फोटो सोशल मीडियावर व्हायरल झाले होते. तर दुसरीकडे अभिनेत्री अक्षया देवधर (Akshaya Deodhar) आणि हार्दिक जोशी (Hardik Joshi) लवकरच लग्नबेडीत अडकणार आहेत. दरम्यान आता महाराष्ट्राची हास्यजत्रा फेम अभिनेत्री वनिता खरात(Vanita Kharat)ने सोशल मीडियावर फोटो शेअर करत प्रेमाची कबुली दिली आहे. 

वनिता खरातने तिच्या बॉयफ्रेंडच्या वाढदिवसाच्या निमित्ताने इंस्टाग्रामवर त्यांचा एक फोटो शेअर केला आहे. सुमित लोंढे असे वनिताच्या बॉयफ्रेंडचे नाव आहे. इतकेच नाही तर तिने जाहिररित्या प्रेमाची कबुली दिली आहे. तिने लिहिले की, कुछ तूने सी है मैंने की हैं रफू….ये डोरियां …….हॅप्पी बर्थडे “साथी ” . त्याबरोबरच #milgayahumkosathimilgaya #partner #love #sumeetvani #specialperson #myman #firstphoto असे अनेक हॅशटॅगही तिने दिले आहे. तिची ही पोस्ट चर्चेत आली आहे. वनिताच्या या पोस्टवर चाहत्यांसोबत सेलिब्रेटीही शुभेच्छांचा वर्षाव करत आहेत.

वनिताच्या वर्कफ्रंटबद्दल सांगायचे तर तिने कॉमेडीची बुलेट ट्रेनमध्ये काम केले असून शाहिद कपूरच्या कबीर सिंग या चित्रपटात ती झळकली आहे. न्यूड फोटोशूटमुळे तिच्या नावाची चांगलीच चर्चा झाली होती. महाराष्ट्राची हास्यजत्रा विनोदी कार्यक्रमातून ती रसिकांना हसून हसून लोटपोट करत असते.

तर वनिताचा बॉयफ्रेंड सुमित लोंढे हा एक व्हिडीओ क्रिएटर आणि ब्लॉगर आहे. ते लवकरच लग्न बंधनात अडकणार आहेत. सुमितने याआधी वनिताच्या वाढदिवसाच्या निमित्ताने एक खास पोस्ट शेअर केली होती. तसेच महाराष्ट्राची हास्यजत्रामधील अनेक मंडळी सुमितला ओळखतात. त्यांचे अनेक फोटोही त्याने शेअर केले आहेत.