कधी बोल्ड फोटोशूटमुळे तर कधी रिलेशनशिपमुळे चर्चेत राहणारी बॉलिवूडची ग्लॅमरस अभिनेत्री मलायका अरोरा पुन्हा एकदा चर्चेत आली आहे. कारण काय तर अर्जुन कपूर. होय, अर्जुन कपूर व मलायकाचे नाते आता कुणापासूनही लपून राहिलेले नाही. काही महिन्यांपूर्वी दोघांनीही आपले नाते जगजाहिर केले. आता तर अर्जुन व मलायका अगदी खुल्लामखुल्ला फिरताना दिसतात. नुकत्याच एका इव्हेंटमध्ये मलायकाला अर्जुनबद्दल प्रश्न विचारण्यात आला. पण हे काय, अर्जुनचे नाव ऐकल्याबरोबर मलायका चक्क लाजली. होय, अर्जुनचे नाव ऐकताच, तिचा चेहरा लाजेने लाल झाला.
मलायकाचे हे उत्तर ऐकून उपस्थितांना हसू आवरेनासे झाले. या इव्हेंटमध्ये मलायकाच्या मिरर ड्रेसने सर्वांचे लक्ष वेधून घेतले. मलायका सध्या अर्जुन कपूरला डेट करतेय. अर्जुन मलायकापेक्षा 11 वर्षांनी लहान आहे. यावरून मलायका अनेकदा ट्रोलही झाली. पण मलायकाने या ट्रोलिंगची कधीच पर्वा केली नाही.