मनवीरची ‘खतरों के खिलाडी-८’ सीझनमध्ये एंट्री

बिग बॉसचा १० वा सीझन जिंकल्यानंतर आता मनवीर गुजर ‘खतरों के खिलाडी-८’वा सीझन गाजवण्यासाठी सज्ज झाला आहे. येत्या २८ तारखेला मनवीर 'खतरों के खिलाडी' शोसाठी परदेशात जाणार आहे. या सीझनचे शूटिंग हे स्पेन येथे होणार असून शोमध्ये मोठ्या आव्हानावर मात करण्यासाठी बिग बॉस या शोप्रमाणेच मनवीरने खूप तयारी केली आहे. विशेष म्हणजे, लवकरच सुरू होणाऱ्या नच बलिये ८व्या भागात नितीभा कौरसह सहभागी होण्यासाठी एक वेळा नाही, तर चक्क दोन वेळा आॅफर देण्यात आली होती. मात्र, मनवीरला डान्सिंग रिअ‍ॅलिटी शो आवडत नाही. डान्स करताना मला पाहणे रसिकांना आवडणार नाही. या कारणामुळे त्याने ‘नच बलिये ८’व्या सीझनमध्ये सहभागी होण्यास नकार दिला होता. त्याची लोकप्रियता बघता, आता तो ‘खतरों के खिलाड़ी-८’वा सीझन गाजविण्यासाठी सज्ज झाला आहे. मनवीर व्यतिरिक्त मन्नू पंजाबी आणि रोहन मेहरा या दोघांनाही या शोमध्ये सहभागी होण्यासाठी विचारणा करण्यात आली असल्याचे कळतेय. मात्र, याविषयी कन्फर्म माहिती हाती आलेली नसून तुर्तास येणाऱ्या काळात मनवीर काय कमाल करतो, हे पाहणे औत्सुक्याचे ठरेल.