'तुझ्यात जीव रंगला' (tuzyat jeev rangala) असं म्हणत प्रेक्षकांच्या मनावर राज्य करणारी लोकप्रिय जोडी म्हणजे अभिनेता हार्दिक जोशी (hardeek joshi) आणि अक्षया देवधर (akshaya deodhar). 'तुझ्यात जीव रंगला' या मालिकेच्या माध्यमातून ही जोडी प्रेक्षकांच्या भेटीला आली आणि पाहतापाहता त्यांच्या गळ्यातलं ताईत झाली. आज या जोडीकडे महाराष्ट्राचं फेव्हरेट कपल म्हणून पाहिलं जातं. काही महिन्यांपूर्वीच या जोडीने लग्नगाठ बांधली असून त्यांच्या लग्नाच्या वरातीमधला व्हिडीओ नुकताच समोर आला आहे.
'तुझ्यात जीव रंगला' या मालिकेत नवरा-बायकोची भूमिका करणाऱ्या या जोडीने खऱ्या आयुष्यातही लग्नगाठ बांधली आहे. काही महिन्यांपूर्वीच मोठ्या थाटामध्ये अक्षया आणि हार्दिकने लग्नगाठ बांधली. मराठी कलाविश्वात या जोडीला विवाहसोहळा विशेष गाजला. इतकंच नाही तर आजही त्यांच्या लग्नाचे फोटो, व्हिडीओ सोशल मीडियावर व्हायरल होताना दिसतात. यामध्येच हार्दिकच्या लग्नातील वरातीचा व्हिडीओ समोर आला आहे.
'बिग बॉस मराठी'( bigg boss marathi) फेम अभिनेत्री वीणा जगतापने (veena jagtap)तिच्या युट्यूब चॅनेलवर हार्दिक-अक्षयाच्या लग्नाचा व्हिडीओ शेअर केला आहे. या व्हिडीओमध्ये हार्दिकची लग्नाची वरात दिसत असून सगळ्यांनी या वरातीत धमाल डान्स केल्याचं दिसून येत आहे. हार्दिकनेही या वरातीत हटके डान्स केला. इतकंच नाही तर तुझ्याच जीव रंगला मालिकेतील बरकत म्हणजेच अभिनेता अमोल नाईक यानेही वरातीत चांगलाच ठेका धरला. अगदी फुगडी घालून त्याने वरातीची रंगत वाढवली.
दरम्यान, वीणाने तिच्या युट्यूब व्लॉगमध्ये राणादा-अंजलीचं म्हणजेच हार्दिक-अक्षयाचं लग्न दाखवलं आहे. यात लग्नाच्या विधीपासून ते रिसेप्शनपर्यंत बऱ्याच गोष्टींचा समावेश आहे. त्यामुळे हा व्हिडीओ सध्या चर्चेत आला आहे.