प्राजक्ता माळी (Prajakta Mali ) ही सोशल मीडियावर सर्वाधिक अ‍ॅक्टिव्ह असलेली मराठी अभिनेत्री. प्राजक्ताचे लाखो चाहते आहेत आणि त्यामुळेच प्राजक्ताने केलेली प्रत्येक पोस्ट क्षणात व्हायरल होते. पोस्टवरच्या चाहत्यांच्या कमेंट्सही तशाच. प्राजूच्या प्रत्येक पोस्टवर चाहते भरभरून कमेंट्स करतात. सध्या प्राजक्ता लंडनमध्ये शूटींग करतेय. मग काय? लंडनचे फोटो शेअर करण्याचा धडाकाच प्राजूने लावला आहे.शूटींग संपल्यावर लंडनच्या रस्त्यावर भटकंती करतानाचे एक ना अनेक फोटो तिने शेअर केले आहेत. ताजे फोटो तर एकदम खास आहेत. कारण ते फरहानने क्लिक केले आहेत. ‘क्लिक बाय माय ज्युनिअर फरहान’, असं हे फोटो शेअर करताना तिने लिहिलं आहे.
आता प्राजक्ताचे फोटो क्लिक करणारा हा फरहान कोण? असा प्रश्न तुम्हाला नक्कीच पडला असेल. तर तो अख्तरांचा फरहान नाही बरं का? तर तो आहे आलोक राजवाडे. होय, अभिनेता आलोक हाही प्राजक्तासोबत लंडनमध्ये सिनेमाचं शूटींग करतोय. त्यानेच प्राजूचे सुंदर फोटो क्लिक केले आहेत.
प्राजूच्या या सिनेमात अभिनेता संकर्षण कऱ्हाडे, आलोक राजवाडे, वैभव तत्त्वादी आणि ऋषिकेश जोशी यांच्या प्रमुख भूमिका आहेत. लवकरच प्रेक्षकांच्या भेटीला येणार आहे. या सिनेमाचं नाव तूर्तास गुलदस्त्यात आहे. पण त्याबद्दलही लवकरच कळेल.
छोटा पडदा असो किंवा रुपेरी पडदा प्राजक्ता माळीच्या अभिनयावर रसिक फिदा आहेत. सहजसुंदर अभिनय, घायाळ करणारं सौंदर्य, दिलकश अदा आणि लक्षवेधी स्टाईल यामुळे प्राजक्ता अल्पावधीतच रसिकांची आवडती अभिनेत्री बनलीये. ‘रानबाजार’ या वेबसिरीजमधील प्राजक्ताच्या भूमिकेचं समीक्षकांकडून कौतुक झालं. पण नेटक-यांना तिचा बोल्ड अंदाज रूचला नव्हता. यामुळं तिला ट्रोलिंगचा सामना करावा लागला होता.