हेमांगी कवीचा 'तमाशा लाईव्ह'मधील लूक जोमात, चाहते म्हणाले- फायर है फायर...!

सोनालीनंतर आता तिचा या सिनेमातील लूक आऊट झाला आहे. चाहत्यांच्या जो पसंतीस उतरला आहे.

मराठी कलाविश्वात फार मोजक्या अशा अभिनेत्री आहेत ज्या समाजातील घटनांवर स्पष्टपणे त्यांचं मत मांडत असतात. त्यातलीच एक अभिनेत्री म्हणजे हेमांगी कवी (hemangi kavi). समाजात कोणतीही घटना घडली की त्यावर हेमांगी उघडपणे व्यक्त होत असते. यावेळी ती मांडत असलेल्या बेधडक वक्तव्यांमुळे अनेकदा तिला ट्रोलही व्हावं लागतं.

हेमांगी आता संजय जाधव यांच्या आगामी 'तमाशा लाईव्ह' (Tamasha Live) या संगीतमय चित्रपटात तिच्या अभिनयाची चुणूक दाखवण्यासाठी सज्ज झाली आहे.सोनालीनंतर आता तिचा या सिनेमातील लूक आऊट झाला आहे. यात हेमांगीने सफेद रंगाच्या शर्टवर गुलाबी रंगाचा कोर्ट घातलेला दिसतोय. सूत्रधाराच्या भूमिकेत 'हेमांगी कवी'चा हटके लूक ! 'तमाशा LIVE' 15 जुलैपासून तुमच्या जवळच्या चित्रपटगृहात ! . फायर है फायर ताई, सुंदर हेमांगी, अमेझिंग लूक अशा कमेंट्स हेमांगीचा सिनेमातील लूक पाहिल्यावर चाहत्यांनी केल्या आहेत. सोनाली कुलकर्णी प्रमाणे हेमांगी ही न्यूज अँकरची भूमिका साकारणार असा अंदाज तिच्या या फोटोवरून येतोय. 

प्लॅनेट मराठी आणि माऊली प्रॅाडक्शन प्रस्तुत ‘तमाशा लाईव्ह’ची निर्मिती अक्षय बर्दापूरकर यांनी केला असून सौम्या विळेकर, डॅा. मनीषा किशोर तोलमारे, समीर विष्णू केळकर, अजय वासुदेव उपर्वात सहनिर्माते आहेत. संजय जाधव यांची पटकथा असलेल्या या चित्रपटाची कथा मनीष कदम यांची आहे. तर या चित्रपटाला अरविंद जगताप यांचे संवाद लाभले असून कथा विस्तार किरण यज्ञोपवित यांनी केला आहे. अमितराज, पंकज पडघन यांचे संगीत लाभलेल्या चित्रपटातील गाण्यांना क्षितीज पटवर्धन यांनी बोल दिले आहेत. ‘तमाशा लाईव्ह’मघ्ये सोनाली कुलकर्णी, सचित पाटील, सिद्धार्थ जाधव, पुष्कर जोग, हेमांगी कवी, नागेश भोसले, मृणाल देशपांडे, मनमीत पेम, आयुषी भावे आणि भरत जाधव यांच्या प्रमुख भूमिका आहेत.