मराठी चित्रपटसृष्टीतील प्रसिद्ध अभिनेत्री अमृता खानविलकर (Amruta Khanvilkar)ने आतापर्यंत वेगवेगळ्या भूमिका साकारून रसिकांच्या मनात घर केले आहे. अमृता अभिनेत्रीसोबत उत्तम डान्सरदेखील आहे. ती बऱ्याचदा सोशल मीडियावरील ग्लॅमरस फोटो आणि व्हिडीओमुळे चर्चेत येत असते. तिचे चाहते तिच्या खासगी आयुष्याबद्दल जाणून घेण्यासाठी खूप उत्सुक असतात. २४ जानेवारी २०१५ रोजी अमृताने हिमांशू मल्होत्रा (Himanshu Malhotra) सोबत लग्नबंधनात अडकली. तुम्हाला माहितीय का हिमांशूची आई म्हणजेच अमृताच्या सासूबाईदेखील दिसायला खूपच सुंदर आहेत.
इंडियाज् बेस्ट सिनेस्टार्स की खोज या शोच्या सेटवरच अमृता व हिमांशूची ओळख झाली होती. हिमांशू पंजाबी तर अमृता महाराष्ट्रीयन आहे. दोघांचे एकमेकांवर खूप प्रेम आहे आणि ते सोशल मीडियावर बऱ्याचदा एकत्र फोटो शेअर करत असतात. या दोघांची केमिस्ट्री चाहत्यांना खूपच भावते.
हिमांशू मल्होत्रा हा हिंदी टेलिव्हिजनवरील प्रसिद्ध अभिनेता आहे.अमृताने हिमांशूसोबत डान्स रियालिटी शो नच बलियेमध्ये सहभाग घेतला होता आणि विजेतेदेखील झाले होते.
अमृता खानविलकर मराठी सिनेइंडस्ट्रीतील प्रसिद्ध अभिनेत्रींपैकी एक आहे. मराठीसह हिंदी चित्रपटातही आपलं नृत्य आणि अभिनयाने अमृताने रसिकांची मने जिंकली आहेत. राझी', 'सत्यमेव जयते' , 'मलंग' या हिंदी सिनेमात ती झळकली आहे. नुकताच तिचा पाँडिचेरी हा चित्रपट रिलीज झाला. यात तिच्यासोबत अभिनेत्री सई ताम्हणकर आणि वैभव तत्ववादी मुख्य भूमिकेत आहेत.