लॉकडाऊनमध्ये पाठकबाईंनी शेअर केला साडीतला फोटो, फॅन्स झाले क्रेझी

अभिनेत्री अक्षया देवधर हिची 'तुझ्यात जीव रंगला' ही पहिलीच मालिका असून पाठक बाई म्हणून तिने या मालिकेतून लोकप्रियतेचे शिखर गाठले आहे. मालिकेत अक्षया रसिकांना नेहमीच सोज्वळ रुपात दिसत असते. त्यामुळे अल्पावधीतच तिने रसिकांची मनं जिंकली. अक्षया सोशल मीडियावरही बरीच एक्टिव्ह असते. आपले फोटो आणि व्हिडिओ ती आपल्या फॅन्ससह शेअर करत असते. या माध्यमातून ती आपल्या फॅन्सशी संवाद साधत असते. नुकताच अक्षयाने एक फोटो सोशल मीडियावर शेअर केला आहे.

या फोटोत तिने साडी परिधान केलेली आहे. साऊथ इंडियन लूकमध्ये अक्षयच्या सौंदर्याला चार चांद लागले आहेत. तिचा हा फोटो चाहत्यांना मोहिनी घालतो आहे. या फोटोला तिच्या फॅन्सकडून बरेच लाइक्स मिळत आहे. 

सुंदर आणि सालस अशा 'पाठक बाईंना' खऱ्या आयुष्यात पारंपारिकपणे तयार होऊन, दागिने घालून नटायची खूप आवड आहे.

अक्षया ही नेहमीच तिच्या इंस्टाग्राम अकाउंटवर पारंपरिक पोशाख परिधान केलेले किंवा सुंदर नोझपिन आणि इतर अनेक छान व वेगळे दागिने घालून फोटो पोस्ट करते. अर्थातच छोट्याश्या दागिन्यामुळेदेखील अक्षयाचे सौंदर्य खुलून दिसते.