अमेय वाघने कोणाला दाखविली भिती?

लहानपणी प्रत्येक जण समोरून येणारा आपला एखादा मित्र दिसला की, त्याला पाहून आपण लपत असतो. तो पुढे आला की, ...

ल�

��ानपणी प्रत्येक जण समोरून येणारा आपला एखादा मित्र दिसला की, त्याला पाहून आपण लपत असतो. तो पुढे आला की, त्याला घाबरविणे हा आपला छंद असतो. त्याचप्रमाणे त्या व्यक्तीला भितीच्या परिस्थितीमध्ये पाहून त्या क्षणाचा आनंद आपल्यासहित सगळे मित्रमंडळी घेत असतात. अशीच भिती प्रेक्षकांचा लाडका अभिनेता अमेय वाघ याने अभिनेत्री पूजा ठोंबरे हिला दाखविली आहे. पूजा ही सोफ्यावर आराम करत असताना, अमेय हा हळूच तिच्या मागे येऊन तिला भिती दाखवली आहे. पूजा ही इतकी घाबरली की, तिला काय झाले सुचेनासे झाले. असाच हा एक गंमतीशीर व्हिडीओ अमेय वाघने सोशलमीडियावर अपलोड केला आहे. त्याचप्रमाणे या व्हिडीओमध्ये त्याने सांताची टोपी घालून अनोख्या पध्दतीने ख्रिसमसच्या शुभेच्छा चाहत्यांना दिल्या आहेत. लहानपणी असे ऐकली होती की, सांता गुपचूप येऊन आकर्षक भेटवस्तू ठेवून जातो. मात्र अमेय हा सांता बनून पूजाला भेटवस्तू तर दिली नाही. मात्र तिला भिती दाखवून त्या क्षणाचा आनंद लुटला आहे. अमेयच्या या व्हिडीओला सोशलमीडियावर भरभरून लाइक्स मिळताना दिसत आहे. तसेच नॉटी सांता म्हणूनदेखील त्याला गंमतीशीर कमेंन्ट मिळत आहे. अमेय वाघ आणि पूजा ठोंबरे यांनी दिल दोस्ती दुनियादारी या मालिकेच्या माध्यमातून प्रेक्षकांचे मन जिंकले आहे. तसेच हे दोन कलाकार आता अमर फोटो स्टुडिओ या नाटकाच्या माध्यमातून रंगभूमीवर आपल्या अभिनयाची जादू दाखवत असल्याचे पाहायला मिळत आहे. त्याचप्रमाणे अमेय हा आता सुत्रसंचालकाच्या भूमिकेतदेखील प्रेक्षकांना दिसणार आहे. तो मॅड या आगामी रियालिटी शोच्या  सूत्रसंचालकाची जबाबदारी पार पाडताना दिसणार आहे.