अशी आहे अंकुश चौधरी आणि दिपा परबची लव्ह स्टोरी

अंकुश आणि दिपा यांची लव्ह स्टोरी खूपच इंटरेस्टिंग आहे.

ठळक मुद्देअंकुश आणि दिपा एकमेकांना कॉलेज दिवसांपासून ओळखत होते. कॉलेजमध्ये असताना ते दोघेही एकांकिकामध्ये काम करत असत. त्याचदरम्यान त्यांच्यात मैत्री झाली आणि या मैत्रीचे प्रेमात रूपांतर झाले.

मराठी चित्रपटसृष्टीतील प्रसिद्ध अभिनेता अंकुश चौधरीने विविध भूमिका साकारून प्रेक्षकांच्या मनात घर केलं. अंकुशचा धुरळा हा चित्रपट लवकरच प्रेक्षकांच्या भेटीस येणार आहे. अंकुशची पत्नी दिपा परब ही देखील मराठी चित्रपटसृष्टीतील प्रसिद्ध अभिनेत्री आहे. अंकुश आणि दिपाने 2007 साली लग्न केलं. ते दोघे त्यांच्या संसारात प्रचंड खूश असून त्यांना प्रिन्स नावाचा मुलगा देखील आहे. अंकुश आणि दिपा यांची लव्ह स्टोरी खूपच इंटरेस्टिंग आहे. त्यांनी तब्बल दहा वर्षं एकमेकांना डेट केल्यानंतर लग्न केले.

दिपा आणि अंकुश यांचा २३ नोव्हेंबर 2006 रोजी साखरपुडा पार पडला. अंकुश आणि दिपा हे दोघे मराठी इंडस्ट्रीतील प्रसिद्ध कलाकार असले त्यांनी त्यांचा साखरपुडा त्यांनी सगळ्यांपासून लपवून ठेवला होता. मीडियाला देखील याविषयी अनेक दिवसांनंतर कळले. अंकुश आणि दिपा एकमेकांना कॉलेज दिवसांपासून ओळखत होते.

अंकुश आणि दिपा दोघे एमडी म्हणजे महर्षी दयानंद कॉलेजचे विद्यार्थी. आणि त्या दोघांचं प्रेम एकच आणि ते म्हणजे अभिनय आणि रंगभूमी. कॉलेजमध्ये असताना ते दोघेही एकांकिकामध्ये काम करत असत. त्याचदरम्यान त्यांच्यात मैत्री झाली आणि या मैत्रीचे प्रेमात रूपांतर झाले. करियर केल्यानंतरच लग्न करायचे असे त्यांनी ठरवले होते. अभिनयक्षेत्रात नाव कमावल्यानंतर त्यांनी लग्न करण्याचा निर्णय घेतला.

अंकुश चौधरी, केदार शिंदे आणि भरत जाधव ही तेव्हाची लोकप्रिय तिकडी. केदार शिंदेच्या ऑल द बेस्ट या नाटकात अंकुश आणि दिपाने एकत्र काम देखील केले आहे. त्यानंतर दिपा परब आपल्याला अनेक जाहिरातींमधून आणि मालिकांमधून प्रेक्षकांच्या भेटीला आली. तसेच दिपाचा प्रसाद ओक आणि सुबोध भावे सोबतचा क्षण हा सिनेमा अधिक लोकप्रिय ठरला. अंकुशने मराठीत एकाहून एक हिट चित्रपट देत तो सुपरस्टार बनला. दिपा लग्नानंतर खूपच कमी चित्रपटात आपल्याला पाहायला मिळते. काही वर्षांपूर्वी आलेल्या अंड्याचा फंडा या चित्रपटात ती झळकली होती.