मराठी चित्रपटसृष्टीतील अष्टपैलू अभिनेत्री म्हणजे मुक्ता बर्वे.मुक्ता बर्वे सोशल मीडियावर फारशी सक्रीय नसते. मात्र बऱ्याचदा ती तिच्या सोशल मीडियावरील पोस्टमुळे चर्चेत येत असते.नुकताच मुक्ताने तिचा एक फोटो सोशल मीडियावर शेअर केला आहे. हा फोटो शेअर करत मुक्ता स्वतःच्याच सोबतीचा आनंद घेत असल्याचे सांगत आहे.
मुक्ता बर्वेने इंस्टाग्रामवर तिचा एक फोटो शेअर केला आहे. यात ती एखाद्या समुद्रकिनारी उभी आहे. यावेळी तिने पिंक कलरचा स्लिव्ह लेस टॉप घातलेला असून डोळ्यावर गॉगलसुद्धा लावलेला दिसत आहे. या फोटोत मुक्ता फारच सुंदर दिसते आहे. हा फोटो शेअर करत तिने लिहिले की, ‘उडें, खुले आसमान में ख्वाबों के परिंदे | उडे, दिल के जहाँ मैं ख्वाबों के परिंदे|’.
मुक्ता सध्या व्हेकेशनवर आहे. त्यामुळे ती समुद्रकिनारी तिच्या सुट्ट्या घालवत आहे. तिच्या या फोटोवर चाहत्यांसोबत अनेक कलाकारांचेही विविध कमेंट पाहायला मिळत आहेत. या फोटोत ती कमालीची सुंदर दिसत असल्याचे चाहते कमेंटद्वारे सांगत आहेत.
मुक्ताने रंगभूमीवरून तिच्या कारकिर्दीला सुरुवात केली. आम्हाला वेगळे व्हायचेय हे तिच्या कारकिर्दीच्या सुरुवातीचेच नाटक खूप गाजले होते. त्यानंतर ती घडलं- बिघडलंय, पिंपळपान, आभाळमाया, श्रीयुत गंगाधर टिपरे यांसारख्या मालिकांमध्ये झळकली. अग्निहोत्र ही तिची मालिका तर खूप गाजली होती. या मालिकेतील तिची भूमिका आजही प्रेक्षकांच्या चांगलीच लक्षात आहे. छोट्या पडद्यावर मिळालेल्या यशानंतर ती चित्रपटांकडे वळली. तिने थांग, देहभान यांसारख्या चित्रपटांमध्ये काम केले. त्यानंतरचे जोगवा, डबल सीट, मुंबई-पुणे-मुंबई यांसारखे तिचे चित्रपट प्रचंड गाजले.