मराठी आणि हिंदी सिनेइंडस्ट्रीतील दिवंगत अभिनेते सदाशिव अमरापूरकर (Sadashiv Amrapurkar) यांनी अनेक चित्रपटात रंगवलेला खलनायक प्रेक्षकांना चांगलाच भावला. सडक या चित्रपटातील त्यांची महाराणीची भूमिका खूप गाजली होती. या भूमिकेसाठी त्यांना अनेक पुरस्कार देखील मिळाले होते. त्यांनी त्यांच्या कॉमिक टायमिंगने प्रेक्षकांना खळखळून हसवले. सदाशिव अमरापूरकर यांनी प्रेक्षकांच्या मनावर अनेक वर्षे अधिराज्य केले असे म्हटले तरी ते चुकीचे ठरणार नाही. सदाशिव अमरापूरकर यांच्या खासगी आयुष्याबद्दल फारसे कुणाला माहित नाही. सदाशिव अमरापूरकर यांचा जावई सेलिब्रेटी शेफ असून त्यांचे नाव आहे देवव्रत जातेगावकर (Devwrat Jategaonkar).
सदाशिव अमरापूरकर आणि सुनंदा अमरापूरकर यांना तीन मुली केतकी, सायली आणि रिमा. केतकी हिचा नवरा देवव्रत जातेगावकर सेलिब्रेटी शेफ आहे.
झी मराठीवरील आम्ही सारे खवय्ये या शोमध्ये शेफ देवव्रत जातेगावकर झळकले होते. रुचकर पदार्थ बनवणे आणि ते तितक्याच आकर्षकतेने सजवणे ही त्यांची खासियत खवय्येच्या शोमध्ये पाहायला मिळाली होती. मराठी सृष्टीतील सेलिब्रिटी शेफ अशी त्यांची ख्याती आहे. २०१२ साली जर्मनी मध्ये झालेल्या कलनरी ऑलिम्पिक मध्ये देवव्रत यांनी भारताला रौप्य पदक मिळवून दिले होते. प्रसिद्ध कथालेखक आणि कादंबरीकार आनंद जातेगावकर यांचे ते सुपूत्र आहेत.