सई ताम्हणकर नेहमी नव नवे ट्रेंड्स घेऊन येत असते. बाकी स्टार्स जे करत नाही, ते काहीतरी वेगळे करण्याचा विचार सई करते. मालिका-चित्रपटाच्या क्षेत्रात वावरल्यानंतर सईने एक कुस्ती टिम खरेदी केली आहे. त्यानंतर आता ती लवकरच एका वेबसीरिजमध्येही दिसणार आहे. आता सई आणखीन एक नवीन गोष्ट करणार आहे ती म्हणजे स्टॅंड-अप कॉमेडी.
सूत्रांच्या माहितीनुसार, स्टँड अप कॉमेडी क्षेत्रात आजपर्यंत कोणी सुपरस्टारने प्रवेश केला नाही. नवे कलाकराचे ह्या क्षेत्राकडे वळतात आणि ह्या क्षेत्रात नाव कमावल्यावर मग ते अभिनय क्षेत्राकडे जातात. पण सईच हेच तर वैशिष्ठ्य आहे. तिला नाविन्याची ओढ आहे. म्हणूनच ती काहीतरी अनोखी गोष्ट करण्याचा विचार करत असते. सई ताम्हणकरने आपल्या इंस्टाग्राम अकाऊंटवर नुकताच एक व्हिडिओ अपलोड केला आहे. ज्यात तिने आपल्या नव्या स्टँड अप कॉमेडी प्रयोगाची माहिती आपल्या चाहत्यांना दिली आहे. सई ताम्हणकर याविषयी सांगते की, "मला स्टॅंडअप कॉमेडियन्सबद्दल आणि ह्या क्षेत्राबद्दल खूप आदर आहे. मी माझ्या करीयरमध्ये काही कॉमेडी सिनेमांमध्ये अभिनयही केला आहे. पण स्टॅंड अप कॉमेडी खूप वेगळी असते आणि रंगमंचावर लाइव्ह अभिनय करण्याची नशा काही औरच असते. म्हणून हा नवा अनुभव घेऊन पाहायचा आहे."