हर्षवर्धनचा चित्रपट मॉस्को महोत्सवात

मराठमोळा अभिनेता हर्षवर्धन राणेने बॉलिवूडमध्ये अल्पावधीतच स्वत:ची ओळख निर्माण केली आहे. त्याच्या समन तेरी कसम या चित्रपटाने तर प्रेक्षकांच्या मनावर राज्य गाजविले असे म्हणयाला खरतर काहीच हरकत नाही. बॉलिवूडमध्ये जम बसविणे काही सोपे नाही. परंतू हर्षवर्धनने त्याच्या या पहिल्याच चित्रपटातून प्रेक्षकच काय तर समीक्षकांची देखील वाहवा मिळवली आहे. आता हेच पाहा ना, हर्षवर्धनचा पदार्पणातीलच सनम तेरी कसम हा चित्रपट मॉस्को चित्रपट महोत्सवात दाखविण्यात येणार आहे. हा चित्रपट महोत्सव ३० नोव्हेंबर ते ७ डिसेंबरपर्यंत आयोजित करण्यात आला आहे. या चित्रपटाच्या स्क्रिनिंगकरिता आयोजकांनी हर्षवर्धनलाही आमंत्रित केले आहे. सनम तेरी कसम व्यतिरिक्त महोत्सवात शाहरुख खानचा दिलवाले दुल्हनिया ले जाएंगे, सलमान खानचा अभिनय असलेला सुलतानआणि राष्ट्रीय पुरस्कार विजेता दम लगा के हयशा यांसारखे चित्रपटही दाखविण्यात येणार आहेत. याविषयी हर्षवर्धन म्हणाला की, मी जेव्हा दाक्षिणात्य चित्रपटांमध्ये काम केले तेव्हा मला भारताबाहेरही ओळख मिळेल आणि बॉलीवूडमध्येही काम करण्याची संधी मिळेल असे वाटले नव्हते. मी आश्चर्यचकित झालो होतो. सनम तेरी कसम चित्रपटामुळे मला प्रसिद्धी आणि ओळख मिळाली. तसेच आता रुस मधील लोकही मला ओळखू लागले आहेत. ही माज्यासाठी खूप मोठी आणि धक्का देणारी बाब आहे. पुढे हर्षवर्धन म्हणाला की, माझा बॉलीवूड चित्रपट सनम तेरी कसम हा  दिलवाले दुल्हनिया ले जाएंगे, सुल्तान आणि फॅन यांसारख्या मोठ्या चित्रपटांसोबत दाखविला जाणारा आहे. ही खरचं खूप मोठी गोष्ट आहे.