आपल्या नृत्य आणि अभिनय कौशल्याने रसिकांना घायाळ करणारी अभिनेत्री म्हणजे मानसी नाईक (Manasi Naik). अभिनेत्री मानसी नाईक चित्रपट किंवा मालिकेत भलेही काम करताना दिसत नसली तरी ती सोशल मीडियावर खूप सक्रीय आहे. बऱ्याचदा ती सोशल मीडियावरील फोटो आणि व्हिडीओमुळे चर्चेत येत असते. पुन्हा एकदा ती इंस्टाग्रामवरील व्हिडीओमुळे चर्चेत आली आहे. त्याला कारणही तसे खास आहे. आज सगळीकडे होळीचा उत्साह पाहायला मिळतो आहे. त्यामुळे मानसी नाईकने देखील आपल्या चाहत्यांना हटके अंदाजात होळीच्या शुभेच्छा दिल्या आहेत.
मानसी नाईक हिने इंस्टाग्रामवर एक व्हिडीओ शेअर केला आहे. ज्यात ती नको मारू रे कान्हा पिचकारी या गाण्यावर थिरकताना दिसते आहे. हा व्हिडीओ शेअर करत तिने लिहिले की, होळीच्या पवित्र अग्निमध्ये, निराशा, दारिद्र्य, आळस यांचे दहन होवो, अणि सर्वांच्या आयुष्यात आनंद, सुख, आरोग्य अणि शांति नांदो.होळीच्या अणि रंगपंचमीच्या हार्दिक शुभेच्छा !
पुढे म्हटले की, वाईट गोष्टी विसरून चांगल्या गोष्टींचा आनंद लुटणे म्हणजे होळी होय! तुमचे आयुष्य रंगीबेरंगी आणि यशस्वी होवो. तुम्हाला होळीच्या खूप-खूप शुभेच्छा! सुरक्षेचं भान राखू, शुद्ध रंग उधळू माखू, रसायन, घाण नको मळी रे, आज वर्षाची होळी आली रे, राग-द्वेष ,मतभेद विसरू, प्रेम, शांती चहुकडे पसरूहोळी ईडापीडा दु:ख जाळी रे, आज वर्षाची होळी आली रे, होळीच्या हार्दिक शुभेच्छा.मानसी नाईकच्या या व्हिडीओला चाहत्यांची खूप पसंती मिळते आहे. तिचा नवरा प्रदीप खरेरा यानेदेखील या व्हिडीओवर कमेंट केली आहे. त्याने सुंदर अशी कमेंट केली आहे. तिच्या या पोस्टवर चाहतेदेखील तिला होळीच्या शुभेच्छा देत आहेत.