बिनधास्त सांगा मी 'वाय झेड' आहे!

 डबल सीट या चित्रपटाच्या यशानंतर  दिग्दर्शक समीर विध्वंस आणि क्षितीज पटवर्धन ही जोडी पुन्हा एकदा 'वाय झेड' हा नवा चित्रपट घेऊन येत आहे.मराठी चित्रपटाच्या या हटके नावाबद्दल खरंच आश्चर्य वाटले असणार हे नक्की. बिनधास्त सांगा मी 'वाय झेड' आहे. ही पोस्ट सई ताम्हणकर, क्षितीज पटवर्धन व समीर विध्वंस यांच्या सोशल मिडीयावर गेले कित्येक दिवस फिरत होती. पण अखेर याचा खुलासा झाला आणि प्रेक्षकांना लागलेली उत्सुकता ही संपली. 'वाय झेड' हा हटके नावाचा चित्रपट अ‍ॅटीटयूड असलेल्या प्रेक्षकांसाठी बनविण्यात आला आहे. कारण जगात फिरताना प्रत्येक ठिकाणी एक अतिशहाणा माणूस आपल्या आजूबाजूला फिरत असतो. त्यावेळी नकळत आपल्या ओठी एक वाक्य बाहेर पडते काय वाय झेड आहे हा माणूस. अशाच भन्नाट लोकांसाठी जूनमध्ये 'वाय झेड' हा चित्रपट प्रदर्शित होणार आहे. या चित्रपटात नक्की कोणते कलाकार असणार आहे हे अजून गुलदस्त्यातच आाहे.पण सई ज्या पद्धतीने चित्रपटाची प्रसिद्धी करतेय ते पाहता बहुदा तीच या  चित्रपटात असण्याची शक्यता आहे. हया चित्रपटाची निर्मिती संजय छाबरिया आणि अनिष जोग करणार आहेत.