झी स्टुडिओने गेल्या काही वर्षांत सैराट, फँड्री, नाळ, टाइमपास, ती सध्या काय करते यांसारखे एकाहून एक हिट चित्रपट मराठी चित्रपटसृष्टीला दिले आहेत. आता त्यांच्या आगामी चित्रपटाची घोषणा लवकरच होणार असून या चित्रपटात काही चिमुरड्यांची कथा प्रेक्षकांना पाहायला मिळणार आहे.
'खारी बिस्कीट'चे पहिले गाणे प्रेक्षकांच्या भेटीस आले असून या गाण्यात या भावंडांचे प्रेम आपल्याला पाहायला मिळत आहे. नुकत्याच रिलीज झालेल्या या गाण्याचे शब्द क्षितिज पटवर्धनचे असून या गाण्याचे संगीतकार सुरज-धीरज ही जोडगोळी असून कुणाल गांजावालाने गायलेले हे गाणं झी म्युझिकच्या द्वारे श्रोत्यांच्या भेटीस आलं आहे.
झी स्टुडिओज आणि ड्रीमिंग ट्वेन्टी फॉर सेव्हन यांनी चित्रपटाची निर्मिती केली असून येत्या २७ सप्टेंबरला 'खारी बिस्कीट' हा चित्रपट प्रेक्षकांच्या भेटीस येणार आहे. संजय जाधव दिग्दर्शित 'खारी बिस्कीट' या चित्रपटाची पत्रकार परिषद मुंबईमध्ये नुकतीच आयोजित करण्यात आली होती. यावेळी चित्रपटातील कलाकारांची ओळख करून देण्यात आली. बिस्किटची भूमिका आदर्श कदमने साकारली आहे तर खारी साकारलीय वेदश्री खाडिलकर हिने... याशिवाय सोहम जाधव, स्वानंद शेळके, शर्व दाते यांच्याही या चित्रपटात महत्त्वाच्या भूमिका आहेत. हा चित्रपट प्रेक्षकांना प्रचंड आवडेल अशी या चित्रपटाच्या टीमला खात्री आहे.