'होईल जनतेचं जे व्हायचं, आपण बोलून निघून जायचं', कवितेतून सौमित्र यांचा सरकावर आसूड

मराठी कलाविश्वातील प्रसिद्ध कवी किशोर कदम अर्थात सौमित्र यांची ‘आपण बोलून निघून जायचं ..’ ही कविता व्हायरल झाली आहे.

मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांचा एक व्हिडीओ सध्या सोशल मीडियावर चर्चेचा विषय ठरत आहे. महाराष्ट्राच्या राजकीय वर्तुळातही याचे पडसाद उमटू लागले असून विरोधक देखील व्हिडीओ शेअर करत राज्य सरकारवर टीका करत आहे. याचदरम्यान आता मराठी कलाविश्वातील प्रसिद्ध कवी किशोर कदम अर्थात सौमित्र यांची ‘आपण बोलून निघून जायचं ..’ ही कविता व्हायरल झाली आहे. किशोर कदम यांनी या कवितेसह माइकचा फोटो शेअर केला आहे. 

काय आहे किशोर कदम यांची कविता?

आपण बोलून निघून जायचं ..

होईल जनतेचं जे व्हायचंआपल्याला काय..आपण बोलुन निघुन जायचं…आपल्याला काय..

केवढी जनता असते समोरआपल्या जीवाला नस्ता घोरसगळेच पक्ष लावतात जोरकोण साधून् कोण चोर

आपली तशीच विचारधाराजिकडे जसा वाहिल वाराघालत राहायच्या येरझाराजातोच निसटुन हातुन पाराहेच लक्षण लक्षात ठेऊनआपण येत जात ऱ्हायचंतहाने सारखं व्याकुळ व्हायचं

जकडे झरा तिथलं प्यायचंआपल्याला काय…आपण पिउन निघुन जायचंआपल्याला काय…

लोकांची पण सहनशक्तीआपण ताणुन बघत नुस्तीलाऊन द्यायची त्यांच्यात कुस्तीकैसा गांव कैसी बस्ती

आपलेच सगळे कार्यकर्तेआपले कर्ते आपले धर्तेजिधर घुमाव उधर फिरतेत्यांच्या हातात काय उरतेउद्या परवा विचार करूनंतर त्यांना काय द्यायचंआधी बघू काय खायचं

लोकशाहीचंच गाणं गायचंआपल्याला काय..आपण गाउन निघुन जायचंआपल्याला काय..

चोविस तास बातम्या मिळोतचॅनल्स जाहिराती गिळोतन्याय अन्यायाशी पिळोतएफबी इन्स्टा सारे फळोत

खड्डे सगळे तसेच सडोतनिकाल लांबणीवरती पडोतनशिबाशी कामं अडोतनको तशा घटना घडोतजे जे हवं ते ते द्यायचंतेवढ्या पुरतं त्राता व्हायचं

कशालाही नाही भ्यायचंआपल्याला काय..वचनं देउन निघुन जायचंआपल्याला काय..

रोज लोकां समोर यायचंरोज लोकां समोर जायचंमाईक बंद चालू असोआपण फक्तं बोलत ऱ्हायचं

आपल्याला काय ..

सौमित्र

किशोर कदम यांच्या या पोस्टवर नेटकऱ्यांनी प्रतिक्रिया देत त्यांच कौतुक केलं आहे. एका युजरने म्हटलं की, "वा किशोर… सगळ्यांच्या मनातल्या भावनेला तू नेमकेपणाने (आणि धीटपणे) काव्यातून व्यक्त करतोस!! स्वतःच्या बांधिलकीला आणि बंडखोरीला जागतोस!!". तर एकाने कमेंट केली की, "रोखठोक, बोचणारे वास्तव".  आणखी एका युजरने म्हटले की, 'एका अग्रलेखाएवढी ताकद आहे तुमच्या कवितेमध्ये'.  शिवाय, किशोर कदम हे नेहमीच सामजिक परिस्थितीवर रोखठोक भाष्य करत असतात. यापुर्वीही त्यांनी मुंबई-पुणे एक्सप्रेस महामार्गावरील टोलनाक्यावर पोस्ट केली होती. त्यांची ही पोस्ट व्हायरल झाली होती. 

सरकारने मराठा आरक्षणाच्या मुद्यावर चर्चा करण्यासाठी सोमवारी रात्री सर्वपक्षीय बैठक बोलावली होती. या बैठकीनंतर मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजित पवार पत्रकार परिषदेला सामोरे गेले. त्यावेळी मुख्यमंत्र्यांनी आपण केवळ बोलून मोकळे व्हायचे असे विधान केले. ते माध्यमांच्या कॅमेऱ्यात बंद झाले. त्यानंतर हा व्हिडिओ चांगलाच व्हायरल झाला. यामुळे सरकारच्या हेतूवरही प्रश्नचिन्ह उपस्थित झाले.