लेखिका आणि पटकथाकार मधुगंधा कुलकर्णींनी हेमंत ढोमे दिग्दर्शित फसक्लास दाभाडे सिनेमा पाहून त्याची प्रतिक्रिया सोशल मीडियावर शेअर केलीय. मधुगंधा लिहिते की, "काल फसक्लास दाभाडे पाहिला. या विषयाच्या निवडीसाठी हेमंत आणि क्षितीचं मनापासून अभिनंदन! तुमचा आमचा विषय , घराचा तरी धाडसाचा! व्यक्तिशः मला खूप चित्रपट खूप आवडला. कुटुंब एक असलं तरी त्यात वेगळी माणसं असतात, नात्यांचा इतिहास असतो. एकच घटना कुटुंबातल्या वेगवेगळ्या लोकांवर वेगवेगळा परिणाम करून जाते .नाती बदलतात...तुटतात ..सुटतात गाठी बसतात... थोडं सुख , थोडा आनंद, काही आठवणी घेवून आपण मोठे होतो ,बदलतो, तरी जोडलेलो राहतो कुटुंबाशी ! अशीच गोष्ट आहे फसक्लास दाभाडेची."
"स्क्रीनप्ले वर लेखकाची पकड जाणवते. खुसखुशीत संवाद संपूर्ण चित्रपटभर आपल्या चेहऱ्यावर एक स्मायील ठेवतात. उत्तम दिग्दर्शन . हेमंतने व्यावसायिकतेच भान ठेवून जे म्हणायचं आहे, जे सांगावस वाटतं म्हणून आपण चित्रपट करतो ते अत्यंत कल्पकतेने आणि रंजन करत सांगितलेलं आहे. उषाताई , निवेदिता ताई , राजन सर, क्षिती, सिद्धार्थ , हरीश, अमेय, मिताली अश्या एक से एक सरस मंडळींनी अप्रतिम काम केली आहेतच पण ह्या सगळ्यामध्ये नवीन असून राजसी भावे, तृप्ती शेडगे यांनीही कमाल केली आहे .Performences outstanding! Cinematographer सत्याने आम्हाला दाभाडे फॅमिली मध्ये नेवून ठेवलं. आपल्या समोर घडत आहे असं वाटतं. Fantastic job सत्यजीत श्रीराम.. गाणी गुणगुणत मी बाहेर पडले ... येलो येलो...आणि मनाला लायटिंग...ही दोन गाणी रेंगाळत राहतात."
"कपडे सुंदर दिसण्यासाठी नसून ...खरी पात्र वाटावीत या साठी आहेत हे कळतं. सगळं चांगलं जुळून आलं की चित्रपट रंजक आणि चांगला होतो...तसा हा झाला आहे. रंजन करत असताना विचार सुद्धा करायला लावणारी जी मोजकी मंडळी आहेत त्या मध्ये हेमंत आणि क्षितीचं नाव महत्वाचं आहे. मराठी माणूस , मराठी प्रेक्षक म्हणून अत्यंत महत्वाची गोष्ट अशी की,एखाद्याला एखादा सिनेमा आवडतो ,एखाद्याला नाही आवडत. वैयक्तिक आवडी निवडी असतातच पण आपण आपलं मत सिनेमा बघून बनवाव. समीक्षा ही तटस्त असायला हवी, बरेचदा ती नसते."
"चित्रपट , चित्रपटगृहात असताना, त्या सिनेमाला, दिग्दर्शकाला झोडून काढणं , त्याबद्दल वाईट लिहून बोलून मराठी प्रेक्षक तुटतो ..आपल्या मातीतल्या गोष्टी मोठ्या पडद्यावर आल्या पाहिजेत...ॲनिमल आणि पुष्पा असे आपले हिरो गोष्टी आहेत का ? आपल्याकडे scale नाही कारण तेवढा प्रेक्षकवर्ग नाही सुधारणा सिनेमामध्येपण झाली पाहिजे पण त्यासाठी आपला प्रेक्षक वर्गही वाढला पाहिजे हेच सत्य आहे. आपण sounth सिनेमांचे, त्यांच्या scaleचे दाखले देताना त्यांच्या प्रेक्षकांची चित्रपटांवरची अपार श्रद्धा विसरतो ! तर फसक्लास दाभाडे अवश्य बघा!"