चॅलेंज! या फोटोमध्ये लपलेत भरत जाधव अन् अंकुश चौधरी; तुम्ही ओळखलं का?

Bharat jadhav: भरतने शेअर केलेला फोटो त्याच्या कॉलेज जीवनातील असल्याचं म्हटलं जात आहे. या फोटोमध्ये त्याच्यासह अन्य काही मित्रमंडळीदेखील दिसून येत आहेत. विशेष म्हणजे याच फोटोमध्ये त्याच्यासोबत अंकुश चौधरीदेखील आहे.

सध्याच्या काळात सोशल मीडियाकडे प्रभावी माध्यम म्हणून पाहिलं जातं. त्यामुळेच पडद्यावर दिसणारे कलाकार बऱ्याचदा या सोशल मीडियाच्या माध्यमातून चाहत्यांच्या संपर्कात येत असतात. विशेष म्हणजे ज्या कलाकारांना चाहते जवळून पाहू शकत नाही किंवा भेटू शकत नाही त्या कलाकारांची या सोशल मीडियामुळे भेट घेता येते. यात अनेक कलाकार त्यांच्या जीवनाशी निगडीत काही आठवणी, किस्सेदेखील शेअर करत असतात. सध्या चाहत्यांमध्ये अभिनेता भरत जाधव आणि अंकुश चौधरी (Ankush Chaudhari) यांचा एक जुना फोटो व्हायरल होत आहे.

विनोदाचं उत्तम टायमिंग आणि अफलातून अभिनय यामुळे चर्चेत येणारा भरत जाधव (bharat jadhav) सोशल मीडियावरही सक्रीय असल्याचं पाहायला मिळतो. त्यामुळे अनेकदा तो इन्स्टाग्रामवर त्याच्या कॉलेज जीवनातील, नाटकातील वा एकांकिकांमधील फोटो शेअर करत जुन्या आठवणींना उजाळा देत असतो. यामध्येच त्याने अंकुशसोबतचा एक जुना फोटो शेअर केला आहे.

भरतने शेअर केलेला फोटो त्याच्या कॉलेज जीवनातील असल्याचं म्हटलं जात आहे. या फोटोमध्ये त्याच्यासह अन्य काही मित्रमंडळीदेखील दिसून येत आहेत. विशेष म्हणजे याच फोटोमध्ये त्याच्यासोबत अंकुश चौधरीदेखील आहे. मात्र, या मित्रमंडळींच्या गराड्यात अंकुश आणि भरत या दोघांनाही ओळखणं कठीण आहे.

दरम्यान, "ओळख ते मैत्री....आणि आता जिवापाड प्रेम..!! तेंव्हा,आता आणि कायम!", असं कॅप्शन भरतने या फोटोला दिलं आहे. या फोटोमध्ये भरत आणि अंकुश कमालीचे वेगळे दिसत आहेत. त्यामुळे त्यांचा सध्यस्थितीचा लूक पाहता या जुन्या फोटोमध्ये दिसत असलेले दोन व्यक्ती अंकुश आणि भरत असण्यावर कोणाचाही विश्वास बसत नाहीये. सध्या सोशल मीडियावर हा फोटो कमालीचा व्हायरल होत असून अनेक जण या फोटोमध्ये भरत आणि अंकुशला शोधण्याचा प्रयत्न करत आहेत.