२०१५ साली प्रदर्शित झालेला मराठी चित्रपट 'बुगडी माझी सांडली गं'मधून मराठी सिनेसृष्टीत अभिनेत्री मानसी मोघे हिने पदार्पण केलं. या चित्रपटानंतर ती २०१६ साली आणखीन एका मराठी चित्रपटात झळकली. त्यानंतर ती मराठी सिनेसृष्टीत काम करताना दिसली नाही. मात्र सध्या ती मॉडेलिंग करत असल्याचं समजतंय.
मानसी मोघेना नवा लूक केला असून तिने फोटो सोशल मीडियावर शेअर केले आहेत. या फोटोंमध्ये ती खूप ग्लॅमरस दिसते आहे.
मानसीनं २०१५ साली अभिनय क्षेत्रात मराठी चित्रपटसृष्टीतून पदार्पण केलं. ती बुगडी माझी सांडली गं या चित्रपटात मुख्य भूमिकेत झळकली होती. तिच्यासोबत अभिनेता कश्यप परूळेकर मुख्य भूमिकेत होता.
हा चित्रपट लावणीप्रधान होता आणि या चित्रपटात तिने सात लावण्या केल्या होत्या. या चित्रपटाला बॉक्स ऑफिसवर यश मिळालं नाही. त्यानंतर २०१६ साली ऑटोग्राफ चित्रपटातही ती झळकली होती.