प्राजक्ता माळीच्या शिरपेचात मानाचा तुरा!, राज्यपालांच्या हस्ते मिळाला 'कमला रायझिंग स्टार' पुरस्कार

Prajakta Mali : अभिनेत्री प्राजक्ता माळीला नुकताच राज्यपाल भगतसिंग कोशारी (Bhagat Singh Koshyari) यांच्या हस्ते कमला रायझिंग स्टार हा पुरस्कार प्रदान करण्यात आला.

मराठी चित्रपटसृष्टीतील प्रसिद्ध अभिनेत्री प्राजक्ता माळी (Prajakta Mali) सध्या चर्चेत आली आहे. सोशल मीडियावर सक्रीय असलेल्या प्राजक्ताने इन्स्टाग्रामवर सगळ्यांना अक्षय्य तृतीयेच्या आणि ईदच्या शुभेच्छा देत १ मे रोजी राज ठाकरेंनी दिलेल्या भाषणाचे समर्थन केले होते. त्यानंतर तिने ती पोस्ट एडिट केली. मात्र त्यामुळे ती सर्वत्र चर्चेत आली होती. दरम्यान आता तिची सोशल मीडियावरील पोस्ट पुन्हा चर्चेत आली आहे. नुकताच तिला राज्यपाल भगतसिंग कोशारी (Bhagat Singh Koshyari) यांच्या हस्ते कमला रायझिंग स्टार हा पुरस्कार प्रदान करण्यात आला. 

प्राजक्ता माळीने मुंबई राजभवनात पुरस्कार घेतानाचे काही फोटो सोशल मीडियावर शेअर केले आहेत आणि लिहिले की,  आणि कालच्या शुभमुहूर्तावर “मुंबई- राजभवनात” जाण्याचा योग आला. काल महाराष्ट्राचे राज्यपाल मा. श्री. भगतसिंग कोशारी यांच्या हस्ते “Kamala Rising Star” पुरस्कार मिळाला.. मनापासून धन्यवाद, आयोजन समिती व मा. राज्यपाल. 

तिने पुढे म्हटले की, अमित त्रिवेदी, प्रतिक गांधी,शेफ रणवीर ब्रार, बिझनेस वूमन अनन्या बिर्ला, आकाश ठोसर इ. माझ्या काही आवडत्या व्यक्तींसह हा पुरस्कार मिळाला ह्याचा विशेष आनंद.. प्रेक्षकांच्या प्रेमाचं परिवर्तन अशा पुरस्कारांमध्ये होते असे मला वाटते, त्यामुळे सर्व प्रेक्षकांचे देखील मनापासून आभार. असच प्रेम राहू द्या. आई आणि भाऊ या सोहळ्यासाठी खास पुण्याहून आले होते, फोटो काढायचा राहिला, आईने आकाश बरोबर फोटो आवर्जून काढला.. चालायचं. प्राजक्ता माळीच्या या पोस्टवर चाहते आणि सेलिब्रेटी अभिनंदनाचा वर्षाव करत आहेत.