नाटक, सिनेमा आणि मालिकांमधील दमदार अभिनयाने प्रेक्षकांवर आपली जबरदस्त छाप पाडणारा अभिनेता म्हणजे प्रसाद ओक. याच प्रसाद ओकची एक पोस्ट सध्या जाम चर्चेत आहे. शिवाय या पोस्टसोबतचा प्रसादच्या फोटोची तर त्याहीपेक्षा जबरदस्त चर्चा आहे.या फोटोत असे काय खास आहे, तर प्रसादने घातलेली लाल रंगाची टी-शर्ट आणि त्यावरचा मॅसेज. ‘देवाक काळजी,’ (देवालाच काळजी) असे या टी-शर्टवर लिहिलेले आहे. या फोटोसोबतची प्रसादची पोस्टही खास आहे. तोंडावर गोड बोलणारे आणि पाठ फिरताच निंदा नालस्ती करणा-यांना त्याने यातून सुनावले आहे.
प्रसाद लिहितो,तोंडावर गोड बोलूनपाठ फिरताक्षणीच अत्यंत कडू बोलणारे किंवा अपरोक्ष निंदा करणारे,अनेक मित्र, मैत्रिणी, नट, नट्या, दिग्दर्शक...सध्या आसपास आहेत...माझा आत्मविश्वास ढळावा म्हणूनहे सगळे अविरत कार्यरत आहेत...पण तरी माज्या चेहºयावरचं हसूअसंच कायम अबाधित आहे आणि राहणारच...कारण 1) माझी कामावरची निष्ठा, 2) तुम्हा रसिकांचा सदैव असलेला पाठींबा आणि प्रेम आणि सगळ्यात महत्त्वाचं म्हणजे3) देवाक काळजी...!!!या तिन्ही गोष्टी शाबूत आहेत तोपर्यंत घाबरायचं कशाला????तुज्या हाती आहे डाव साराइसर गजाल कालची रेदेवाक काळजी रेमाझ्या देवाक काळजी रे...
आता प्रसादने ही पोस्ट नेमकी कोणाला उद्देशून आणि का लिहिली, ते माहित नाही. पण प्रसादचा हा नेम अनेकांच्या जिव्हारी लागला असावा, हे नक्की.
प्रसादचा ‘पिकासो’ हा चित्रपट लवकरच प्रेक्षकांच्या भेटीला येत आहे. अमेझॉन प्राइमवर येत्या 19 मार्चला हा सिनेमा प्रदर्शित होतोय. काल या सिनेमाचा ट्रेलर रिलीज करण्यात आला होता. शिलादित्‍य बोराद्वारे निर्मित 'पिकासो'चे दिग्‍दर्शन व सह-लेखन पदार्पणीय अभिजीत मोहन वारंग, तसेच सह-लेखक तुषार परांजपे यांनी केले आहे