ऋषीकेश जोशी करणार दिग्दर्शन?

मराठी चित्रपटसृष्ट्रीत अनेक कलाकार आहेत की, ते अभिनयसोबतच लिखाण, दिग्दर्शन, गायकाची जबाबदारी पार पाडताना दिसत आहे. तसेच त्यांचे हे सर्व कलागुण चित्रपटसृष्ट्रीत हीट होताना पाहायला मिळत आहे. आता कित्येक कलाकार आपले नविन इनिंग सुरूवात करण्यास उत्सुक असल्याचे पाहायला मिळत आहे. तसेच अनेक नवीन दिग्दर्शकदेखील नवीन चित्रपट घेऊन येण्याच्या तयारीत आहेत. त्याचबरोबर आपल्या मराठी चित्रपटसृष्ट्रीतील अभिनेता ऋषीकेश जोशी हा देखील महेश मांजरेकर, अवधूत गुप्ते, सचिन पिळगावकर अशा अनेक कलाकारांच्या पाठोपाठ अभिनयानंतर दिग्दर्शन क्षेत्राकडे वळला असल्याचे कळत आहे. लवकरच त्याचा आगामी चित्रपट प्रेक्षकांच्या भेटीस येणार असल्याचे समजत आहे. इतकेच नाही तर या चित्रपटाचे चित्रिकरणदेखील पूर्ण झाले आहे. मात्र या चित्रपटाचे नाव काय असणार आहे हे अदयापदेखील गुलदस्त्यात आहे. तसेच या चित्रपटात मराठी चित्रपटसृष्ट्रीतील नामांकित चेहरे झळकणार आहे. मात्र त्याचा हा चित्रपट कधी प्रदर्शित होणार हे देखील अदयाप कळाले नाही. ऋषीकेशने नेहमीच आपल्या अभिनयाने प्रेक्षकांचे मन जिंकले आहे. या अभिनेत्याने मालिकांसहित अनेक चित्रपटदेखील केले आहेत. त्याने हरीश्चंद्राची फॅक्टरी, येलो, आजचा दिवस माझा, पोस्टर बॉइज, आजोबा, भारतीय, देऊळ, ठक्कर, दे धक्का असे अनेक चित्रपट मराठी चित्रपटसृष्ट्रीला दिले आहेत. त्याचबरोबर त्याने घडलयं बिघडलयं, हसत चकत फू, श्री. गंगाधर टिपरे, स्पंदन अशा अनेक मालिकेतूनदेखील त्याने आपल्या अभिनयाची चुणूक प्रेक्षकांना दाखविली आहे. चला तर पाहूयात प्रेक्षकांना आपला लाडका अभिनेता ऋषीकेश जोशीची नवीन सुरूवात पसंतीस उतरते का? .