Ved Marathi Movie Day 5 Box Office Collection : रितेश देशमुख (Riteish Deshmukh) व जिनिलिया देशमुख ( Genelia Deshmukh) यांचा ‘वेड’ (Ved) हा सिनेमा बॉक्स ऑफिसवर गाजतोय. 30 डिसेंबरला हा सिनेमा रिलीज झाला आणि पाचच दिवसांत या सिनेमाने बजेट वसूल केला. होय, पाचच दिवसांत या सिनेमाने 15 कोटींपेक्षा जास्त कमाई केली आहे. ‘वेड’चा बजेट 15 कोटी असल्याचं सांगितलं जात आहे आणि रिलीजनंतर फक्त पाचच दिवसांत बजेटचा आकडा पार झाला आहे. पाचव्या दिवशी ‘वेड’ने पहिल्या दिवशीपेक्षाही अधिक कमाई केली आहे, हे विशेष.ट्रेड अ‍ॅनालिस्ट तरण आदर्श यांनी दोन तासांआधी ‘वेड’च्या बॉक्स ऑफिसवर कलेक्शनचे आकडे शेअर केलेत. हे आकडे मराठी चित्रपटसृष्टीला सुखावणारे आहेत.
पहिल्या दिवशी या सिनेमाने 2.25 कोटींची कमाई केली. दुसऱ्या दिवशी हा आकडा 3.25 कोटींवर आणि तिसऱ्या दिवशी 4.50 कोटींवर पोहोचला. तीनच दिवसांत या सिनेमाने एकूण 10 कोटी कमाई केली आहे. चौथ्या दिवशी म्हणजे सोमवारी चित्रपटाने 3.02 कोटींचा गल्ला जमवला आणि काल मंगळवारी पाचव्या दिवशी 2.65 कोटींचा बिझनेस केला.
येत्या दिवसांत हा चित्रपट कमाईचा आणखी मोठा आकडा पार करेल, अशी आशा जाणकार व्यक्त करत आहेत. ‘वेड’ या सिनेमात रितेश व जिनिलिया मुख्य भूमिकेत आहेत. रितेशने हा सिनेमा दिग्दर्शित केला आहे. जिनिलिया या सिनेमाची निर्माती आहे, शिवाय हा तिचा पहिला मराठी सिनेमा आहे. रिलीजआधी या सिनेमाची जोरदार चर्चा होती. सिनेमाच्या गाण्यांनीही धूम केली होती.
‘वेड’ हा मराठी सिनेमा बॉक्स ऑफिसवर धूम करतोय म्हटल्यावर अनेक नेटकऱ्यांनी यावर वेगवेगळ्या प्रतिक्रिया दिल्या आहेत. हा सिनेमा 100 कोटींचा टप्पा गाठेल, लिहून घ्या, असं एकाने म्हटलं आहे. अनेकांनी हा सिनेमा हिंदीत रिलीज करा, अशी मागणीही केली आहे.
अशी आहे कथा क्रिकेट खेळण्यात पटाईत असणारा सत्या आणि त्याच्या सच्चा प्रेमाची गोष्ट वेड या सिनेमात पाहायला मिळते. शेखरअण्णा नावाचा गुंड सत्याचा पक्का वैरी आहे. तो का आणि कसा याची कथा चित्रपट पाहिल्यावरच समजेल. सत्याचे श्रावणीसोबत लग्न झालेलं आहे. लग्नाला सात वर्षे होऊन दोघांमध्ये एक दरी आहे. बेकार असलेला सत्या कायम दारू आणि सिगारेटच्या नशेत असतो. रेल्वेत काम करणारी श्रावणी त्याला दारूसाठी पैसे देते, सासरे काही बोलले तरी पतीच्या बाजूने बोलते, पतीसाठी वडीलांसोबतही भांडते. असं असूनही सत्या आणि श्रावणीमध्ये दुरावा का याची उत्तरं 12 वर्षांपूर्वीच्या फ्लॅशबॅकमध्ये मिळतात, जी थिएटरमध्ये पहायला मजा येईल.