यंदाचा झी चित्र गौरव पुरस्कार (Zee Chitra Gaurav Awards) सोहळा विविध कारणांसाठी चर्चेत येत आहे. या सोहळ्यात अनेक दिग्गज कलाकार हजेरी लावणार आहेत. त्यामुळे सध्या या सोहळ्याचे अनेक प्रोमो प्रेक्षकांच्या भेटीला येत आहेत. यामध्येच सध्या अभिनेत्री सई ताम्हणकर (Saie Tamhankar) आणि निलेश साबळे (nilesh sable) यांचा मजेशीर व्हिडीओ व्हायरल होत आहे. विशेष म्हणजे या व्हिडीओमध्ये सई अभिनेता, विनोदवीर भाऊ कदमला (bhau kadam) डेट करत असल्याचं म्हटलं जात आहे.
झी मराठीने त्यांच्या अधिकृत इन्स्टाग्राम पेजवर झी चित्र गौरव पुरस्कार सोहळ्याचा एक व्हिडीओ शेअर केला आहे. या व्हिडीओमध्ये निलेश साबळे आणि श्रेयस तळपदे, सई ताम्हणकरची मस्करी करताना दिसून येत आहेत. यात निलेश साबळे,सईच्या जीवनात एक खास व्यक्ती असून त्याला ती डेट करत असल्याची बातमी दिली. सोबतच पुरावा म्हणून त्याने स्क्रीनवर एक फोटोही पोस्ट केला. विशेष म्हणजे या पोस्टमध्ये सईसोबत भाऊ कदम होता. सई आणि भाऊ यांचा हा एकत्र फोटो पाहिल्यावर उपस्थितांमध्ये एकच हाशा पिकला.
दरम्यान, सध्या झी चित्र गौरव पुरस्कार सोहळ्याची सोशल मीडियावर चांगलीच चर्चा रंगली आहे. सईने झी चित्र गौरव पुरस्कार पटकावला. 'मराठी पाऊल पडते पुढे’ या पुरस्काराची सई मानकरी ठरली आहे.