मराठी असो वा हिंदी सिनेइंडस्ट्री...कलाकार आपल्या चाहत्यांना सोशल मीडियाच्या माध्यमातून अपडेट देत असतात. बऱ्याचदा ते त्यांच्या रिलेशनशीपबद्दल सोशल मीडियावर जाहीर करताना दिसतात. तसेच काही दिवसांपूर्वी अभिनेत्री सई ताम्हणकर (Sai Tamhankar) हिने तिच्या प्रेमाची कबुली दिली होती. त्यावेळी तिने तिच्या लाइफ पार्टनरला दौलतराव असे संबोधले होते. तेव्हापासून तिचे चाहते त्याला दौलतराव असं संबोधतात. दरम्यान, आज दौलतराव म्हणजेच अनिश जोगचा वाढदिवस असून या निमित्ताने सई ताम्हणकर हिने सोशल मीडियावर खास पोस्ट शेअर केली आहे. या पोस्टने सर्वांचे लक्ष वेधून घेतले आहे.
सई ताम्हणकर हिने इंस्टाग्रामवर अनिश जोगसोबतचा फोटो शेअर करत लिहिले की, Happy Birthday You ♥️! May all your dreams and wishes come true and my your scanners be as sharp forever..@anishjoag ! सईच्या या पोस्टवर सेलिब्रेटींनी लव्ह इमोजी शेअर केली आहे. तसेच बरेच युजर्स अनिश जोगला वाढदिवसाच्या शुभेच्छा देताना दिसत आहेत.
अनिशने सईच्या वाढदिवसाच्या निमित्ताने इन्स्टाग्रामवर एक व्हिडीओ पोस्ट केला होता. वाढदिवसाच्या शुभेच्छा मॅजिक !! तू जग जिंकावे अशी माझी इच्छा आहे! असे कॅप्शन त्याने या व्हिडीओला दिले होते. यावर लव्ह यू असा रिप्लाय सईने दिला होता.
कोण आहे अनिश जोग?अनिश जोगचाही चित्रपटसृष्टीशी संबंध आहे. तो सिनेनिर्माता असून त्याने आणि काय हवं? वेबसीरिज, गर्लफ्रेंड, मुरांबा, वायझेड, डबल सीट, टाईम प्लीज आणि धुरळा या चित्रपटाची निर्मिती केली आहे.