'काहे दिया परदेस' या गाजलेल्या मालिकेतून घराघरात पोहोचलेली अभिनेत्री म्हणजे सायली संजीव. या मालिकेच्या माध्यमातून सायलीने अल्पावधीत लोकप्रियता मिळवली. एक एक करत यशाची पायरी चढणाऱ्या सायलीने मालिकांसह सिनेमांमध्येही काम केलं आहे. तिचा बस्ता हा सिनेमा विशेष गाजला. या सिनेमानंतर तिच्या लोकप्रियतेत कमालीची वाढ झाली. सध्या सोशल मीडियावर तिची एक पोस्ट व्हायरल होत आहे.
सायली तिच्या आगामी सिनेमाचं विदेशात चित्रीकरण करत आहे. त्यामुळे येथील अनेक फोटो, व्हिडीओ ती चाहत्यांसोबत शेअर करत आहे. यामध्येच तिने विदेशात चक्क वडापावचा आस्वाद घेतला. त्यानंतर तिने तिची प्रतिक्रिया दिली आहे.
सायली सध्या युकेमध्ये तिच्या आगामी सिनेमाचं चित्रीकरण असून येथे तिला मुंबईचा वडापाव खायची संधी मिळाली. हा वडापाव खाऊन झाल्यानंतर तिने तेथील हॉटेल बाहेर फोटो काढत तो चाहत्यांसोबत शेअर केला. विशेष म्हणजे त्याला दिलेलं कॅप्शन विशेष चर्चेत आलं. "Shree Krishna Vada Pav UK 🇬🇧 परदेशात येऊन वडापाव खाणं म्हणजे ….सुख", असं कॅप्शन तिने या फोटोला दिलं आहे.
दरम्यान, सायलीचा हा फोटो पाहिल्यावर अनेकांनी त्यावर भन्नाट कमेंट केल्या आहेत. गेल्या काही काळापासून सायली चित्रपटांचा धडाका लावला आहे. सातारचा सलमान, मन फकिरा, झिम्मा, गोष्ट एका पैठणीची, हर हर महादेव, दाह अशा कितीतरी सिनेमात ती झळकली आहे.