ती सध्या काय करते चित्रपटाचा दुसरा टीझर प्रदर्शित

 सतीश राजवाडे दिग्दर्शित ती सध्या काय करते या चित्रपटाची बरीच चर्चा रंगत आहे. या चित्रपटात मराठी इंडस्ट्रीचा लाडका अभिनेता लक्ष्मीकांत बेर्डे यांचा मुलगा प्रेक्षकांना पाहायला मिळणार आहे. त्यामुळे या चित्रपटाची उत्सुकता अधिक प्रेक्षकांमध्ये आहे. नुकतेच या चित्रपटाचा दुसरा टीझर प्रदर्शित करण्यात आला आहे. या चित्रपटाचा हा टिझर प्रेक्षकांच्या पसंतीस उतरताना पाहायला मिळत आहे. या चित्रपटात अंकुश चौधरी, तेजश्री प्रधान, अभिनय बेर्डे, आर्या आंबेकर या कलाकारांचा समावेश आहे. अभिनय बेर्डे आणि आर्या आंबेकर पहिल्यांदाच एकत्रित झळकणार आहे. तसेच या दोघांचादेखील पहिलाच चित्रपट असल्यामुळे या चित्रपटाची चर्चा अधिक रंगू लागली आहे. पहिल्या प्रेमाची गोष्टच काही निराळी असते. याच प्रेमाची गोष्ट सांगणारा असा हा चित्रपट असणार आहे. तसेच या चित्रपटाचे प्रोमोदेखील सोशलमीडियावर मोठया प्रमाणात पसंतीस उतरताना दिसत आहे. मात्र आता या चित्रपटासाठी प्रेक्षकांना जास्त वाट पाहावी लागणार नाही. फायनली हा चित्रपट सहा जानेवारीला प्रदर्शित होणार आहे. त्यामुळे हा चित्रपट नक्कीच प्रेक्षकांसाठी नवीन वषार्चे खास गिफ्ट असणार आहे. तसेच तेजश्री प्रधान ही होणार सून मी हया घरची या मालिकेतून महाराष्ट्राच्या घराघरात पोहोचली आहे. तसेच तिने शर्यत, झेंडा, लग्न पाहावे करून असे अनेक चित्रपटदेखील केले आहेत. ती सध्या अभिनेता शर्मन जोशीसोबत मैं और तुम हे हिंदी नाटक करत आहे. तर अंकुश चौधरी याने मराठी चित्रपटसृष्ट्रीला दगडी चाळ, क्लासमेट, दुनियादारी, गुरू, डबलसीट, शहाणपण दे ग देवा असे एक से एक सुपरहीट चित्रपट दिले आहेत.