सुयश पुन्हा करणार मालिका

 का रे दुरावा या मालिकेतून अभिनेता सुयश टिळक याने प्रेक्षकांचे मन जिंकले आहे. सुयश पुन्हा छोटया पडदयावर पाहण्यासाठी प्रेक्षकदेखील उत्सुक आहेत. प्रेक्षकांची ही इच्छा लवकरच पूर्ण होणार असल्याचे सु़यशने लोकमत सीएनएक्सला सांगितले आहे. सुयश सांगतो, हो मी लवकरच एका मालिकेतून प्रेक्षकांना पाहायला मिळणार आहे. एका वेगळया भूमिकेत मी झळकणार आहे. यापूर्वी कधीही अशी भूमिका मी साकारली नाही. त्यामुळे एक वेगळया अंदाजात प्रेक्षकांसमोर येणार असल्याने अधिक आनंद होत आहे. या मालिकेचे चित्रिकरणदेखील चालू असल्याचे सुयशने यावेळी सांगितले. या मालिकेत त्याच्यासोबत कोण असणार आहे हे मात्र कळाले नाही. तसेच मालिकेचे नाव देखील अदयाप ही गुलदस्त्यात आहे. पण सुयशने मात्र प्रेक्षकांची ही इच्छा लवकरच पूर्ण केली आहे. सुयश टिळक आणि सुरूची आडारकर यांची जोडी का रे दुरावा या मालिकेतून प्रेक्षकांच्या पसंतीस उतरली आहे. तसेच तो दुर्वा, पुढचे पाऊल, बंध रेशमाचे, अमर प्रेम अशा अनेक मालिकादेखील त्याच्या गाजल्या आहेत. त्याचबरोबर तो क्लासमेट आणि कॉफी आणि बरचं काही या मालिकेतदेखील पाहायला मिळाला. तसेच तो सुयशने स्ट्राबेरी या नाटकमधूनदेखील रंगभूमीवर पाहायला मिळाला होता. या नाटकमध्ये तो पुन्हा सुरूची आडारकरसोबत प्रेक्षकांना रंगभूमीवर दिसला. त्यामुळे त्याचे चाहतेदेखीत आनंदित झाले होते. आता पुन्हा त्याच्या या आगामी मालिकेत त्याच्यासोबत सुरूचीच असणार का हा प्रश्नदेखील चाहत्यांना पडला आहे. पाहूयात त्याच्या चाहत्यांची ही इच्छा पूर्ण होते का. तसेच आता तो लवकरच एका गाण्याच्या माध्यमातूनदेखील झळकणार आहे. त्यामुळे त्याच्या चाहत्यांसाठी नक्कीच हा डबल धमाका असणार आहे.