संपूर्ण जगात कोरोना व्हायरसने थैमान घातले आहे. देशातही कोरोनाचे संकट अद्याप आहे. बॉलिवूडसोबतच मराठी चित्रपटसृष्टीतील कलाकारांनाही कोरोनाची लागण झाली आहे. त्यात आता अभिनेता सुयश टिळकलाही कोरोनाची लागण होती. ही माहिती खुद्द त्यानेच इंस्टाग्रामवर दिली आहे. आता तो कोरोनामुक्त झाला असून त्याने पोस्टच्या माध्यमातून चाहत्यांना काळजी घेण्याचे आवाहन केले आहे.
सुयश टिळकने इंस्टाग्रामवर पोस्टच्या माध्यमातून सांगितले की, मी बरा आहे. तुम्ही स्वतःची आणि तुमच्या जवळच्या व्यक्तींची काळजी घ्या. तसेच या पोस्टमध्ये त्याने लिहिले की, नमस्कार. मी आता व्यवस्थित आहे. पण गेल्या महिन्यात मला कोरोनाची लागण झाल्याचे समोर आले होते. कुठल्याही प्रकारचा त्रास होत नव्हता. लक्षणे दिसत नव्हती. डॉक्टरांच्या सल्ल्यानुसार, २० दिवस उपचार घेऊन शासनाने घालून दिलेल्या नियमांचे पालन करून मी आता बरा झालेलो आहे व पुन्हा काम सुरू केले आहे.
तसेच तो सध्या कलर्स मराठी वाहिनीवरील शुभमंगल ऑनलाइन या मालिकेत मुख्य भूमिकेत दिसतो आहे.