Ved MarathI Movie : मराठी चित्रपटसृष्टीत सध्या 'वेड' या सिनेमाने धुमाकूळ घातला आहे. मनोरंजन विश्वातील कलाकारही चित्रपटाचे आणि रितेश जिनिलियाचे (Riteish Deshmukh , Genelia Dsouza) कौतुक करत आहेत. मराठीच नाही हिंदी सिनेसृष्टीनेही 'वेड' च्या यशाची दखल घेतली आहे. त्यातच आता मराठी अभिनेता स्वप्नील जोशीने 'वेड' चे कौतुक करत ट्विट केले आहे.
३० डिसेंबर रोजी प्रदर्शित झालेला 'वेड' आज २० दिवस व्हायला आले तरी सुस्साट धावतोय. 'वेड' ला मिळालेला उत्सफुर्त प्रतिसाद पाहता मराठी सिनेसृष्टी अक्षरश: भारावून गेली आहे. दरम्यान अभिनेता स्वप्नील जोशीने 'वेड' चे कौतुक करणारे ट्विट केले आहे.
स्वप्नीलने लिहिले, 'वेड आज बॉक्स ऑफिसवर ५० कोटींचा गल्ला पार करेल ! केवळ क.मा.ल. कामगिरी ! मराठी पाऊल पडते पुढे ! मनापासून अभिनंदन रितेश भाऊ आणि जिनिलिया वहिनी आणि पूर्ण टीम!'
या ट्विटला जिनिलायाने मराठीत रिप्लाय दिला आहे. तिने लिहिले, 'तुमच्या शुभेच्छांसाठी खूप खूप धन्यवाद.' जिनिलिया वहिनीचे मराठी ट्विट पाहून अनेकांना आनंदच झाला आहे.
रितेश देशमुखनेही स्वप्नीलचे आभार मानलेत. त्याने लिहिले, 'भाऊ मनापासून आभार - big hug, लवकरच भेटू !!'
'वेड' आज ५० कोटींचा टप्पा पार करण्याच्या तयारित आहे. जवळपास तीन आठवडे व्हायला आले तरी सिनेमा बॉक्सऑफिसवर धुमाकूळ घालतोय. तसेच लोकांच्या आग्रहास्तव वेड चे नवीन गाणंही चाहत्यांच्या भेटीला येत आहे. यामध्ये सत्या आणि श्रावणीवर चित्रित झालेलं रोमॅंटिक गाणं असणार आहे. गाण्याची पहिली झलक नुकतीच रिलीज झाली असून २० तारखेपासून थिएटरमध्ये हे गाणंही बघता येणार आहे.
Ved Marath Movie : वेड, वाळवी, व्हिक्टोरिया... फक्त 99 रुपयात पाहा 'हे' मराठी सिनेमे; पण कधी?
तर दुसरीकडे स्वप्नील जोशीचा 'वाळवी' हा सिनेमा नुकताच प्रदर्शित झाला आहे. हा सिनेमाही प्रेक्षकांच्या पसंतीस उतरत आहे. 'परेश मोकाशी' यांनी सिनेमाचे दिग्दर्शन केले आहे. यामध्ये 'सुबोध भावे', 'अनिता दाते' आणि 'शिवानी सुर्वे' यांच्याही मुख्य भूमिका आहेत.