सेलिब्रिटी कोणत्या ना कोणत्या कारणांनी ट्रोल होतच असतात. मग ते मराठी असो किंवा हिंदी सेलिब्रिटी. आता कोण ट्रोल होतोय तर मराठी चित्रपटसृष्टीतील चॉकलेटी हिरो स्वप्नील जोशी (Swapnil Joshi ). होय, सध्या स्वप्नील अतरंगी लुकमुळे चांगलाच चर्चेत आला आहे. यावरून चांगलाच ट्रोल होतोय. त्याच्या या अतरंगी लुकवर नेटकर्‍यांनी अशा काही कमेंट्स केल्या आहेत की, त्या वाचून हसू आवरणार नाही.अलीकडे स्वप्नीलने दोन फोटो इन्स्टावर शेअर केलेत. यात स्वप्नील दाढीत दिसतोय. ‘आय सी मायसेल्फ अ‍ॅज सेक्सी’, असे कॅप्शन देत स्वप्नीलने हे फोटो शेअर केलेत आणि या फोटोंवर चाहत्यांच्या कमेंट्सचा पाऊस पडला. अनेकांना त्याचे हे फोटो पाहून बॉलिवूडचा रणवीर सिंगची आठवण झाली. मग काय एकापेक्षा एक भारी कमेंट्स पडल्या.
त्या रणवीर सिंगच्या नादी लागू नको भाई, अशी कमेंट एका युजरने केली. अरे हे काय धोतर आहे का सदरा, मराठीतला रणवीर सिंग बनतो का काय? अशी मजेदार कमेंट एका युजरने केली. एका युजरने तर स्वप्नीलचा हा फोटो पाहून ‘पेंटिंगच्या कामाचा किती रेट लावता तुम्ही,’ अशा प्रश्न करत स्वप्नीलच्या या लुकची खिल्ली उडवली. मला तुझा हा ड्रेस अजिबात आवडला नाही. स्वप्नील तू रोमॅन्टिक हिरो आहेस. देवदास नाही आहेस तू..., अशा आशयाची कमेंट अन्य एका युजरने केली.
स्वप्नीलने फेसबुकवरही या लुकचे फोटो शेअर केले आहेत आणि या ठिकाणच्या कमेंट्स तर वाचून वाचून वेड लागेल इतक्या ‘खतरनाक’ आहेत. कांगारू सारखं मधल्या झोळीत लेकरू ठेवता येईल, ओटी भरून घ्या सर..., हा तर दीपिकाचा ड्रेस दिसतोय, रणवीर सिंग चावला वाटतं, अशा मजेदार कमेंट्स अनेक फेसबुक युजर्सनी केल्या आहेत. अगदी काहीच दिवसांपूर्वी स्वप्नीलने असाच एक फाटका तुटका ड्रेस घालून लांबलचक पोस्ट टाकली होती त्यालाही लोक प्रचंड हसले होते. म्हातारीचा झगा घालून कुठे फिरतोस? अशा शब्दांत त्याला चाहत्यांनी ट्रोल केले होते.