Tejaswini Pandit : मराठीतील सुंदर आणि बिनधास्त अभिनेत्री म्हणून ओळखली जाणारी तेजस्विनी पंडित (Tejaswini Pandit ) हिची वेगळी ओळख करून देण्याची गरज नाही. आपल्या दमदार अभिनयानं तिने प्रेक्षकांच्या मनात एक हक्काचं स्थान निर्माण केलं आहे. चित्रपटांपासून वेबसीरिजपर्यंत सर्वच क्षेत्रात आपला वेगळा ठसा उमटवला आहे. आईच्या पावलावर पाऊल टाकत तेजस्विनी अभिनयाच्या दुनियेत आली आणि इथेच रमली. तेजस्विनीने नुकतंच निर्मीती क्षेत्रात पदार्पण केलं आहे. सध्या तेजस्विनी ‘अथांग’ या गाजत असलेल्या मराठी वेबसीरिजमुळे चर्चेत आहे.
नुकत्याच झालेल्या एका पुरस्कार सोहळ्यात ‘अथांग’चा मुख्य नायक धैर्य घोलप याला सर्वोत्कृष्ट अभिनेत्याच्या पुरस्काराने गौरविण्यात आलं. हेच निमित्त साधत, तेजस्विनीने धैर्यसाठी एक खास पोस्ट लिहिली आहे. शिवाय या निमित्ताने आपल्या आयुष्यातील काही गोष्टीही सांगितल्या आहेत. माझ्या लाइफची History repeat होतेय असं वाटून गेल्याचं तिने लिहिलंय.
तेजस्विनीची पोस्ट...सर्वप्रथम Sorry तुझ्या अत्यंत महत्वाच्या क्षणी मी सोबत नव्हते. कुठे आहे तेही माहीत आहेच तुला, तरी..ह्याला appreciation पोस्ट म्हणू का काय माहित नाही पण अभिमानाची पोस्ट नक्कीच आहे. माझ्या लाइफ ची History repeat होतेय असं वाटून गेलं. मी जेंव्हा industryt आले माझी सुरुवात character roles पासून झाली...अनेक roles केले पण lead role देण्यासाठी कुणी विश्वास नाही दाखवला...पण पहिली वेळ कधीतरी यावी लागते, येतेच....अशोक समर्थ ह्यांनी माझ्यावर विश्वास ठेऊन मला एका सिनेमात lead role दिला. सिनेमा होता वावटळ...त्या सिनेमातल्या रोल ने मला माझ्या आयुष्यातलं पाहिलं BEST ACTRESS चा nomination दिलं, तेही Ma ta Sanmanchच आणि Award ही मिळालं Best Actress चा...पहिलं वाहिलं खासंच असतं नाही...?! आणि आज धैर्य च्या बाबतीत सेम घडताना बघतेय...अथांगसाठी onscreen आणि offscreen दोन्हीसाठी त्याने प्रचंड मेहनत घेतली. मला अजूनही आठवतंय त्याला cast करताना मला आणि संतोषला खूप विरोध पत्करावा लागला....काहीजण म्हणाले अगं नाव असलेला नट घे, काही म्हणाले त्याला lead चा experience नाही (आजपर्यंत उलगडलं नाही, experience घेतल्याशिवाय experience कसा येतो ?! ) काही म्हणाले अगं insta followers असतील अश्याला घे (हल्ली तुमच्या followers वरुन casting होतं मग टॅलेंट असो नसो फरक पडत नाही)पण मी आणि संतोष अडून राहिलो. ह्यात अक्षय ने खंबीरपणे आमची साथ दिली. आमच्यावरच्या विश्वासावर त्याने विश्वास ठेवला आणि finally तेंव्हा धैर्य cast झाला...आज आपल्या कामाने, त्याच्या dedication ने, स्वबळावर जेंव्हा तो BEST ACTOR म्हणून अवॉर्ड मिळवतो तेंव्हा एवढंच जाणवतंतुमची इच्छा शक्ती, तुमची कामाप्रती निष्ठा आणि प्रेक्षकांनी तुम्हाला स्विकारलं तर तुमचा experience, तुमची popularity, तुमचे followers हे महत्त्वाचं नसतं.... महत्त्वाचा असतो कुणीतरी तुमच्यावर ठेवलेल्या विश्वासाचं चीज करणं !माझ्यावर तो कुणीतरी ठेवला, म्हणून मीही तो कुणावरतरी ठेवू शकले...तू माझ्यासाठी आजतागायत मित्र म्हणून जे काही केलेस ते माझ्यासाठी शब्दात मांडणे कठीण आहे.You are my family...infact u hv stood an inch more everytime than anyone else could. It was probably a Payback time, Guess thats why Rau landed in yr life through me.तुला "अथांग" शुभेच्छा तुझ्या पुढच्या वाटचालीसाठी. अवॉर्ड मिळाला म्हणून हुरळून जाऊ नकोस. मेहनत करणं सोडू नकोस. प्रेक्षकांच्या मनावर अधिराज्य गाजव...awards will follow देव बरे करो. Congratulations My Love" अशा शब्दात तेजस्विनीने धैर्यला शुभेच्छा दिल्यात.