अभिनेता रितेश देशमुख (Riteish Deshmukh) आणि जिनिलिया डिसुजा-देशमुख (Genelia D'souza-Deshmukh) यांच्या वेड (Ved Marathi Movie) या चित्रपटाने बॉक्स ऑफिसवर चांगलीच कामगिरी केली आहे. वेड या मराठी चित्रपटांना बऱ्याच बड्या बड्या चित्रपटांना मागे टाकले आहे. अवघ्या महाराष्ट्राला वेड लावणाऱ्या या चित्रपटाने बॉक्स ऑफिसवर आपली जादू दाखवली आहे. सलग दुसऱ्या आठवड्यातही हा चित्रपट आपले स्थान टिकवून ठेवले आहे. सलग १४व्या दिवशी या चित्रपटाने १.५३ कोटींची कमाई केली आहे. यासोबतच या चित्रपटाने एकूण ४०.१७ कोटींचा गल्ला जमवला आहे.
वेड या चित्रपटाने कमाईच्या बाबतील सैराट चित्रपटाचा रेकॉर्ड तोडला आहे. सैराट या चित्रपटाने आजवर प्रदर्शित झालेल्या सर्व मराठी चित्रपटांचे कमाईच्या बाबतीत रेकॉर्ड ब्रेक केले होते. मात्र, या चित्रपटाचा विक्रम मोडीत काढत वेडने एका दिवसात सर्वाधिक कमाई करणारा मराठी चित्रपट हा बहुमान पटकावला आहे. या चित्रपटाने एका दिवसांत ५.६० कोटी रुपयांची कमाई केली आहे.
वेड या चित्रपटात त्रिकोणी प्रेमकथा पाहायला मिळते आहे. या चित्रपटाची कथा तीन व्यक्ती, संसार आणि प्रेम याभोवती गुंफण्यात आली आहे. या चित्रपटात अॅक्शन आणि रोमान्स अशा दोन्ही गोष्टी पुरेपूर पाहायला मिळाल्या आहेत. या चित्रपटातून रितेश देशमुखने दिग्दर्शनात पदार्पण केले आहे तर जिनिलिया देशमुखने मराठी सिनेइंडस्ट्रीत एन्ट्री केली आहे. वेड या चित्रपटात जिनिलिया आणि रितेश देशमुखसोबत ज्येष्ठ अभिनेते अशोक सराफ, विद्याधर जोशी, सिद्धार्थ जाधव आणि जितेंद्र जोशी हे कलाकार महत्त्वाच्या भूमिकेत दिसणार आहेत.