सैराटमधील आर्चीच्या भूमिकेतून घराघरात पोहचलेली अभिनेत्री रिंकू राजगुरू सध्या लॉकडाऊनमुळे तिच्या मूळ गावी अकलूजला आहे. मात्र ती सोशल मीडियावर एक्टिव्ह असून चाहत्यांशी संवाद साधत आहे. दिवसागणिक हटके स्टाइलिश आणि तितकेच फॅशनेबल फोटो तसंच सेल्फी रिंकु राजगुरू सोशल मीडियावर शेअर करते. तिचा प्रत्येक फोटो तिच्या फॅन्ससाठी खास असतो. त्यावर ते भरभरून लाइक्स आणि कमेंट्स देतात. नुकताच तिने एक व्हिडिओ इंस्टाग्रामवर शेअर केला आहे. ज्यात ती मनी माऊसोबत गप्पा मारताना दिसत आहे.रिंकू राजगुरूने एक व्हिडिओ शेअर केला आहे. या व्हिडिओ शेअर करत लिहिले की, मी आणि मनु संभाषण. या व्हिडिओत रिंकू मनीमाऊसोबत बोलताना दिसत आहे. रिंकू बऱ्याचदा प्राण्यांसोबत फोटो शेअर करत असते.
रिंकू शाळेत असतानाच तिला सैराट हा चित्रपट मिळाला आणि तिचे संपूर्ण आयुष्य बदलून गेले. या चित्रपटानंतर रिंकू कागर, मेकअप या मराठी चित्रपटात झळकली.
नुकतीच तिची 100 ही हिंदी वेबसीरिज हॉटस्टारवर रिलीज झाली आहे.
या सीरिजमधील रिंकूच्या कामाचं खूप कौतूक होत आहे.