'गर्ल इन द सिटी' आणि 'लिटील थिंग्स' या वेबसिरीजमधील भूमिकांमुळे ‘वेब क्वीन’ म्हणून ओळखली जाणारी अभिनेत्री मिथिला पालकर हिने मराठी चित्रपटसृष्टीसोबतच बॉलिवूडमध्ये अल्पावधीत आपली ओळख निर्माण केली आहे. तिने कारवां या चित्रपटातून बॉलिवूडमध्ये पदार्पण केले. तर मराठीत मुरांबा या चित्रपटातून प्रेक्षकांच्या मनात घर केले. तिने सोशल मीडियावर निरमा साबणावरील निरमा गर्ल सारख्या गेटअपमधील फोटो शेअर केला होता. त्यावेळी ती खूपच चर्चेत आली होती. आता तिचा हा फोटो व्हायरल होताना दिसत आहे.
मिथिला पालकर अभिनेता अभय देओलसोबत नेटफ्लिक्सवरील सिनेमा 'चॉपस्टिक'मध्ये झळकली होती. यातील तिच्या पात्राचे नाव निरमा होते. त्यावेळी तिने हा फोटो शेअर केला होता. त्यावेळी तिने फोटोसोबत 'लोकप्रिय निरमा वॉशिंग पावडरची आठवण करून देताना आम्हाला आनंद होतोय. ' असे कॅप्शन दिले होते.
मिथिला पालकर सोशल मीडियावर सक्रीय आहे. ती ग्लॅमरस फोटो आणि व्हिडीओ सोशल मीडियावर शेअर करत असते. या माध्यमातून ती फॅन्सशी कनेक्ट राहण्याचा प्रयत्न करते. फॅशनची उत्तम जाण तिला आहे. बऱ्याचदा तिचे फोटो व्हायरल होताना दिसतात.
मिथिला कप साँगमुळे अल्पवधीतच सर्वांची लाडकी बनली होती. तिने वेबविश्वात अक्षरशः धुमाकूळ घातला होता. कप साँगच्या तालावरील तिचे ‘हिची चाल तुरु तुरु...’ नेटिझन्ससह रसिकांना खूप भावले होते. मिथिला शेवटची त्रिभंगा चित्रपटात झळकली होती. या चित्रपटातील तिच्या कामाचे कौतुक झाले होते.