स्वप्निल का झाला भावे ?

 

       स्वप्निल जोशी आपल्याला नेहमीच विविध भूमिकांमध्ये प्रत्येक चित्रपटात पाहायला मिळतो. त्याच्या आगामी चित्रपटातसुद्धा स्वप्निल त्याच्या वेगळ्या अंदाजात आपल्याला दिसणार आहे. अहो एवढेच काय तर स्वप्निलने त्याचे नाव देखील बदलले असल्याचे दिसते आहे. तुम्हाला स्वप्निल जोशीच्या सोशल साईट्सच्या सर्वच अकाऊंटची नावे बदललेली दिसतील. कदाचित तुम्हाला वाटेल कि आपण चुकिच्या अकाऊंटवर आलो आहोत.  स्वप्निल भावे हे नाव सध्या तो सोशल मीडियावर वापरतो आहे.  फक्त स्वप्निलच नाही तर सुबोधने देखील त्याचे आडनाव बदलले आहे. सुबोध सध्या तुम्हाला जोशी हे आडनाव वापरत असलेला दिसेल. मुळात हा घोळ नसून स्वप्नील आणि सुबोधच्या आडनावांची ही अदलाबदल जाणूनबुजून करण्यात आली आहे. विशेष म्हणजे खुद्द स्वप्नील आणि सुबोधने देखील त्याला दुजोरा देत आपआपल्या ट्विटर अकाउंटचे स्वप्नील भावे आणि सुबोध जोशी असे नामकरण करून टाकले आहे. फुगे या आगामी चित्रपटासाठी सुबोध आणि स्वप्निलने हे बदल केले असल्याचे समजतेय. परंतु त्यांनी एकमेकांची आडनावे का वापरली आहेत याच कारण अद्याप गुलदस्त्यात आहे.  या चित्रपटत दोघेही एकदमच वेगळ्या लुकमध्ये प्रेक्षकांना दिसत आहेत. चित्रपट प्रेक्षकांपर्यंत पोहोचण्यासाठी कलाकारांना प्रमोशन करावेच लागते. जर चित्रपटाचे योग्य प्रमोशन झाले नाही तर आपला चित्रपट लोकांपर्यंत पोहोचणार कसा अशी भीती देखील कलाकारांना असते. अशा प्रमोशन मुळेच त्यांचा आगामी सिनेमा नेमका कशावर आधारित आहे, हे जाणून घेण्याची उत्सुकता त्यांच्या चाहत्यांमध्ये निर्माण झाली आहे. प्रमोशनसाठी कोण काय करेल खरच सांगता येणार नाही. कलाकार अगदी त्यांची नावे देखील एखाद्या चित्रपटासाठी बदलू शकतात हे मात्र तितकेच खरे.